Qulaqtandyrý qondyrǵylary iske qosylǵan kezde bilim berý mekemelerinde, adamdar kóp jınalatyn oryndarda azamattardy ǵımarattardan aldyn ala belgilengen qaýipsiz oryndarǵa evakýasıalaý elementterin pysyqtaı otyryp, sbektilik seısmıkalyq jattyǵýlar júrgiziledi.
Osyǵan baılanysty, Almaty qalasy TJ Departamenti turǵyndar men qala qonaqtaryna sabyr saqtap, ǵımarattardan (turǵyn úı, páter) jedel evakýasıalaý elementin pysyqtaýymen qatysýdy suraıdy!
«Barshanyń nazaryna!» halyqty qulaqtandyrý júıesiniń tehnıkalyq daıyndyǵyna tekserý júrgizý jáne seısmıkalyq jattyǵýdyń bastalýy týraly habardar etiledi.
Almaty seısmıkalyq aımaqta ornalasqan, sondyqtan árbir azamattyń TJ kezindegi jáne odan keıingi is-qımyldarǵa jeke daıyndyǵy úlken mańyzǵa ıe.
- Almatylyqtar úshin jer silkinisi kezinde otbasylyq nemese ujymdyq is-qımyl josparyn jasaý mańyzdy:
- Jer silkinisinen keıin otbasyńyzdyń jınalý ornyn aldyn ala anyqtańyz.
- Jer asty dúmpýi kezinde áreket etý úshin úıińizdegi eń qaýipsiz jerlerdi aldyn-ala anyqtaý qajet. Mundaı oryndarǵa mynalar jatady: kúrdeli ishki qabyrǵalardyń sańylaýlary, ishki qabyrǵalardan paıda bolǵan buryshtar (tehnıkalyq jospardan, sol tólqujattan kórýge bolady);
- ǵımarattan evakýasıalaýdyń eń qysqa jolyn anyqtańyz nemese ǵımarat ishinde qaýipsiz oryn tabyńyz; Jıhazdyń joǵarǵy sórelerdi aýyr zattardan bosatyńyz. Tipti qulaıtyn jıhazdy bekitip tastaý qajet.
- Kópqabatty úılerde turatyn almatylyqtar bilýi tıis 10 qarapaıym erejeni este saqtaýdy usynamyz:
1. dúrbeleńge túspeńiz, sabyrlyq saqtańyz;
2. jer asty dúmpýleri kezinde lıft pen baspaldaqty paıdalanbańyz, jer silkinip jatqan ýaqyt ótkenshe úıde kútińiz;
3. jıhazdan, terezelerden, lústradan alystańyz;
4. jasyrynatyn oryn tabyńyz (júk kótergish/kapıtal/ishki qabyrǵalardyń buryshy);
5. ǵımarattan shyǵyńyz (kópqabatty úılerde – jerasty dúmpýleri toqtaǵannan keıin);
6. sýdy, gazdy, elektr qýatyn óshirińiz;
7. aldyn-ala daıyndalǵan «dabyl shabadanyn» alyńyz;
8. ǵımarattan evakýasıalaý kezinde elektr jelilerinen, ǵımarattardan, aǵashtardan aýlaq bolyńyz;
9. jer silkinisiniń qaıtalanýy múmkin ekenine daıyn bolyńyz;
10. balalarǵa, qarttarǵa, múmkindigi shekteýli jandarǵa kómek kórsetińiz.
- Evakýasıadan keıin qajet bolǵan jaǵdaıda, aýqymdy tótenshe jaǵdaı kezinde ornalastyrylatyn halyqty qabyldaý pýnktine barý kerek. Almatyda zardap shekken halyqty qabyldaıtyn 384 pýnkt bar.
- Ádette halyqty jáne TJ kezinde zardap shekkenderdiń jınalý núktesi bilim berý uıymdarynda: mektepte, balabaqshada, kolejde, joǵary oqý oryndarynda ornalastyrylady.
- «Barshanyń nazaryna!» sıgnalyn estigen soń dabyl shabanyńyzdaǵy qabyldaǵyshty qosyp, ári qaraı nusqaýlyqqa sáıkes qımyldaý qajet.