Qala koronavırýsqa toıtarys berýge tolyǵymen daıyn.
23 shildede «Almaty qalasyndaǵy sanıtarlyq-epıdemıologıalyq jaǵdaı jáne KVI taralýyn tejeý jónindegi jańa shekteý sharalary» taqyrybynda ótken onlaın baspasóz-konferensıasy barsynda qalanyń bas sanıtarlyq dárigeri Jandarbek Bekshın qalaǵa shekteýler engizilmeıtinin aıtty, dep habarlaıdy Almaty-akshamy.kz.
Almatydaǵy epıdemologıalyq jaǵdaı kúrdelene túskenine qaramastan, qalaǵa qatań shekteýler engizilmeıdi. Onyń sebebin bas sanıtarlyq dáriger Jandarbek Bekshın medısına salasynyń koronavırýs indetine qarsy turýǵa daıyndyǵymen túsindirdi.
«Byltyr bizdiń densaýlyq saqtaý ınfrastrýktýrasynyń qýattylyǵy tómen bolǵan. Sol sebepten aýrýhanalardaǵy tósek-oryndardyń sany da az bolǵan. Máselen, ótken jyly tósek-oryn eki myńnan aspaǵan bolsa, bıyl jeti myńnan asyp otyr. Sebebi bıyl biz daıyndyq jasap, tósek-oryndardy kóbeıttik, onyń sany búgingi tańda 7011-ge ósken, dári-dármek máselesin sheshtik, jeke qorǵanys quraldarymen qamtamasyz etý máselesi sheshildi. Jedel medısına kórsetý qyzmetiniń de jumys ózgerdi, dárigerlerdiń sany kóbeıdi», – dep túsindirdi Jandarbek Bekshın.
Esterińizge sala ketsek, Almatydaǵy epıdahýalǵa baılanysty qalanyn bas sanıtarlyq dárigeri arnay qaýlyǵa qol qoıǵan bolatyn. Bul qaýly boynsha, Ashyq jobasyna qatysýshy áleýmettik-ekonomıkalyq nysandar sany arttyrýǵy qajet, biraq jappaı shekteýler bolmaıdy.
Tikeleı efırdi myna jerden kórýge bolady.