Betperde rejımin buzǵan azamattar 87,510 teńge kóleminde aıyppul tóleıdi.
2021 jyly 24 shildede Almaty qalalyq ákimdigi, polısıa departamenti jáne qalalyq avtopark ókilderiniń qoǵamdyq kólikterdegi karantındik sharalardyń saqtalýy týraly birlesken jınalysy ótti, dep habarlaıdy Almaty-akshamy.kz.
İshki ister mınıstrliginiń resmı málimeti boıynsha, qoǵamdyq kólikterde betperde rejımin saqtaý boıynsha monıtorıńtik toptar júrgizgen tekserýlerdiń nátıjeleri jarıalanyp, talqylandy.
Jınalys qorytyndysy boıynsha avtobýs parkteriniń basshylaryna jolaýshylardy tasymaldaý kezinde COVID-19 koronavırýstyq ınfeksıasynyń taralýynyń aldyn alý sharalaryn kúsheıtý tapsyryldy.
Búginde koronavırýstyq ınfeksıany juqtyrýdyń negizgi oryndary bazarlar, qoǵamdyq kólikter, meıramhanalar, kafeler, saıabaqtar, saýda ortalyqtary jáne azamattardyń kóp jınalatyn oryndary bolyp tabylady.Qazirgi ýaqytta qoǵamdyq kólik júrgizýshileri tarapynan jolaýshylardyń shekteý sharalaryn saqtaýyn baqylaý jetkiliksiz.
Respýblıkada koronavırýstyq ınfeksıa boıynsha epıdemıologıalyq jaǵdaıdyń nasharlaýyn, turǵyndar arasynda aýrýshańdyqtyń, onyń ishinde mektep jasyndaǵy balalar aýrýshańdyǵyn eskere otyryp, qatań sharalardy engizý qajet:
– qoǵamdyq kólikterde jáne metropolıtende avtobýs júrgizýshileri túsirý jáne otyrǵyzý kezinde jolaýshylarǵa shekteý sharalaryn saqtaý týraly eskertý, áleýmettik araqashyqtyq pen betperde rejıminiń saqtalýyn baqylaýdy kúsheıtý;
– avtopark basshylary avtobýstar men troleıbýstardyń kúndelikti sanıtarlyq tazalyǵyn baqylaýy qajet;
– ınfeksıa qaýpin barynsha azaıtý úshin personaldyń da, jolaýshylardyń da betperde rejımin saqtaýyna baqylaýshylar engizý týraly máseleni qarastyrý kerek;
– karantındik sharalardy buzýshylar anyqtalǵan jaǵdaıda, adamdardy ákimshilik jaýapkershilikke tartý úshin 102 nómirine qońyraý shalý kerek.
Betperde rejımin buzǵany úshin QR ÁQbK-niń 425-baby boıynsha 30 AEK (87,510 teńge) mólsherinde aıyppul qarastyrylǵanyn eskerý qajet.