Máslıhattar - jergilikti ókildi bılik organdary retinde memleket pen qoǵam komýnıkasıalarynyń jańa qurylymynyń mańyzdy elementi.
Almaty Óńirlik komýnıkasıalar qyzmetiniń alańynda Almaty qalasy Qoǵamdyq keńesiniń tóraǵasy, Almaty qalasy máslıhatynyń depýtaty, ekonomıka, qarjy, aktıvter, memlekettik basqarý men qoǵamdyq qaýipsizdikti damytý jónindegi turaqty komısıanyń múshesi Altynaı Kóbeeva jáne onyń áriptesi, Almaty qalasy máslıhatynyń depýtaty, densaýlyq saqtaý, bilim berý jáne jumyspen qamtý jónindegi turaqty komısıanyń múshesi Tóleýǵalı Taıtóleevtiń qatysýymen brıfıń ótti, dep habarlaıdy Almaty-akshamy.kz.
«Memleket basshysy Joldaýda Qazaqstannyń jergilikti ózin-ózi basqarý júıesine birtindep kóshýi týraly málimdedi. Máslıhattar da osy júıeniń negizgi býyny bolady. Memleket basshysynyń pikirinshe, turǵyndar burynnan óz qalalary, aýdandary, aýyldary úshin jaýapkershilik alýy kerek. Adamǵa senim bildirip, qolyna bılik berýden qoryqpaý qajet», - dep bastady A. Kóbeeva.
Depýtat Kóbeeva Almaty Qoǵamdyq keńesiniń bekitilgen jańa quramy týraly da aıtty, onyń negizi ÚEU men BAQ ókilderinen turady. Onyń aıtýynsha, onda bilim berý salasy ókilderiniń úlesi artty, sondaı-aq qurylymǵa kóp balaly analar kirdi.
«Mamyr aıynda Qoǵamdyq keńestiń úshinshi quramy quryldy. Oǵan 39 adam kirdi. Eger paıyzdyq araqatynasta ÚEU men BAQ úlesi 51%-dy qurasa, memlekettik organdar úsh adamdy quraıdy – bul 7%. Búginde qoǵamdyq baqylaýdyń tórt nysany bekitilgen. Bul - qoǵamdyq monıtorıń, qoǵamdyq tyńdaýlar, normatıvtik-quqyqtyq qujattardy saraptaý jáne memlekettik organdardyń esepterin tyńdaý», - dedi A. Kóbeeva.
Qazirdiń ózinde Qoǵamdyq keńestiń, tóralqanyń, komısıalardyń 14 otyrysy ótkizilip, onda 62 másele qaraldy. Normatıvtik-quqyqtyq qujattar boıynsha 17 qoǵamdyq monıtorıń jáne 10 saraptama júrgizildi. Keńeske Almaty qalasynyń turǵyndarynan 120-dan astam ótinish kelip tústi.
Jýrnalıserdiń suraqtaryna jaýap bere otyryp, Tóleýǵalı Taıtóleev Prezıdent memleket pen jergilikti ózin-ózi basqarý ınstıtýttary fýnksıalarynyń tıimdi arajigin ajyratý qajettigin atap ótti. Ol osyǵan baılanysty Almaty máslıhatynyń jumysynda qandaı ózgerister kútilip otyrǵanyn aıtty.
«Qazirgi ýaqytta zańnamaǵa Memleket basshysy balamaly negizde usynǵan máslıhat depýtattarynyń qala ákimi laýazymyna keminde eki kandıdatqa daýys berý quqyǵyn retteıtin ózgerister engizildi. Endi prezıdent máslıhattaǵy pikirlerdi eskere otyryp, oblystar men respýblıkalyq mańyzy bar qalalardyń ákimderin taǵaıyndaıdy», - dedi T. Taıtýleev.
Atqarýshy bılik tarmaǵyn aýystyrý jónindegi osy jańashyldyqtardyń barlyǵy joǵary saıası mádenıeti bar Jańa Qazaqstandy qurýǵa baǵyttalǵan.
Sondaı-aq, Tóleýǵalı Taıtóleev jergilikti ókildi organdardyń jumysy búkilhalyqtyq referendým nátıjeleri boıynsha qabyldanǵan konstıtýsıalyq reformalar sheńberinde birqatar baǵyttar boıynsha jaqsartylatynyn habarlady. Atap aıtqanda, máslıhattardyń derbestigin jáne olardyń jumysynyń tıimdiligin arttyrý maqsatynda halyq múddesi úshin máslıhat tóraǵasy laýazymy engiziletin bolady.
«Birqatar ózgeristerde máslıhat depýtattarynyń 50%-y azamattardyń tikeleı daýys berýimen saılanatyn bolady. Bul depýtattardyń jaýapkershiligin aıtarlyqtaı arttyratynyna kúmán joq. Bul ózgerister konstıtýsıalyq reformalar sheńberinde iske asyrylatyn bolady. Osylaısha saıası partıalar arasynda básekelestik kúsheıedi dep oılaımyn», - dedi T. Taıtýleev.
Depýtat «Almatynyń erekshe mártebesi týraly» zańǵa ózgerister engizý aıasynda máslıhattarǵa qandaı ókilettikter berilgenin aıtyp berdi. Mysaly, budan bylaı máslıhatqa buryn-sońdy bolmaǵan ókilettik berilgen. Bul - Almaty qalasynyń qala qurylysy kodeksin bekitý, jyljymaıtyn múlikti tirkeý máselelerin qaraý úshin komısıa qurý, onyń quramy men erejesin bekitý, Almaty qalasynda syrtqy jaryqtandyrý júıelerin paıdalaný qaǵıdattaryn bekitý jáne basqalar.