Qalalyq máslıhattyń depýtaty, zeınetker-ustaz Rahat Shımasheva jerlesterin moıymaýǵa shaqyrady.
Qurmetti qazaqstandyqtar, aldymen ereýil kezinde qaza tapqan jandardyń otbasylaryna kóńil aıtamyn. Sizderge qansha jubatý sóz aıtsam da, janyńyzdyń dertine dárý taba almaıtynym ókinishti, sol sebepti Allanyń synaǵyna berik, sabyrly bolýlaryńyzdy tileımin.
Elimizdiń basyna túsken qıyndyqqa boı bermeı, birge eńserýimizdi násip etsin! Ásem qalamyzdyń qazirgi jaǵdaıy árbirimizdiń júregimizdi aýyrtyp otyr. Barlyq ana, otbasy óz balasyn amandyqpen taǵatsyzdana kútýde. Barlyǵymyz aman-esen bolaıyq, balalarymyz aman bolsyn!
Qalamyzdy qaıta qalpyna keltirý jumystary júrgizilip jatyr. Osyndaı aýyr kúnderi halyqqa qoldaý kórsetken Prezıdentimizdiń danalyǵy men saıasatyna qoldaý bildiremiz jáne qalalyq máslıhatpen birge jumysymyzdy ári qaraı belsendi túrde jalǵastyramyz. Josparǵa sáıkes azamattardy qabyldaý, turaqty komısıanyń jumystaryna asa zeıin qoıamyz.
Elimiz aman bolsyn! Biz halyqpen birgemiz! Kúshimiz - birlikte!