Almaty qalasynyń ákimi Erbolat Dosaevtyń ókimimen qalanyń energotıimdilik jáne ınfraqurylymdyq damý basqarmasynyń basshysy laýazymyna Alın Sanjar Meńdibaıuly taǵaıyndaldy, dep habarlaıdy Almaty-akshamy.kz.
Sanjar Alın 1984 jyly 30 tamyzda Almaty qalasynda týǵan. 2007 jyly halyqaralyq marketıń mamandyǵy boıynsha «Regents Business College» bitirip, 2009 jyly «The University of Winchestetr» iskerlik ákimshilik magıstri dárejesin alǵan, 2015 jyly D.A. Qonaev atyndaǵy kólik jáne quqyq gýmanıtarlyq ýnıversıtetin bitirgen.
Túrli jyldary jeke qurylymdarda basshylyq qyzmetter atqarǵan. Satý jáne marketıń, qarjy qurylymdary, qurylys, energetıka jáne kvazımemlekettik sektor salalarynda, sondaı-aq memlekettik qyzmette jumys tájirıbesi bar.
Eńbek jolyn «Qazaqstan telekomýnıkasıalary» JAQ-da («Katelko Plús») klıenttermen jumys jónindegi menedjer, tehnıkalyq keńesshi laýazymynan bastaǵan.
2006 jyly «Bang and Olufsen» kompanıasynyń halyqaralyq ókildiginde marketıń boıynsha menedjer laýazymyn atqardy, keıinnen Óńirlik damý jónindegi dırektor laýazymyna aýystyryldy.
2010 jyly «Asia Capital basqarýshy kompanıasy» AQ-nyń aktıvterdi basqarý bóliminiń bastyǵy bolyp taǵaıyndaldy.
2011 jyly elektoraýdıtpen, energıa únemdeý júıelerin jobalaýmen jáne engizýmen aınalysatyn «Friendy Energy» JSHS-nyń negizin qalady.
2014 jyldyń jeltoqsan aıynan beri «Samuryq-Qazyna» korporatıvtik ýnıversıtetinde («Qazaqstan Injınırıń ulttyq Kompanıasy» AQ) keńesshi qyzmetin atqarǵan, qorǵanys-ónerkásip kesheni jobalarynyń keleshegine baǵa júrgizdi, sondaı-aq áskerı jáne eki maqsattaǵy ónimderdi óndirý boıynsha baǵyttardy damytýdy júzege asyrdy.
2016 jyly «QazMunaıGaz» UK AQ-nyń mamandandyrylǵan enshiles kompanıasy «Teńiz Servıs» JSHS-nyń Atyraý fılıalynyń dırektory bolyp taǵaıyndaldy. «TeńizSHevrOıl» (TSHO) tapsyrysy boıynsha júk tasymaldaý marshrýtyn salýdyń MaTraG jobasy jóninde FGP (bolashaq keńeıtý) jobasy jumys tobyna basshylyq etti.
2017 jyly «GoodWiil Partners» JSHS bas dırektorynyń mindetin atqardy jáne bıznesti basqarý, energıa tıimdiligin arttyrý salasyndaǵy konsaltıńke, TKSH salasyndaǵy jańa tehnologıalyq sheshimderdi engizýge mamandandy.
2019-2020 jyldar aralyǵynda Almaty qalasy energotıimdilik jáne ınfraqurylymdyq damý basqarmasynyń energıa tıimdiligi jáne energıa únemdeýdi arttyrý bóliminiń basshysy qyzmetin atqardy.