Muhıt Ázirbaev Qazaqstannyń qurylys salasy odaǵynyń tóraǵasy bolyp saılandy, dep habarlaıdy Almaty-akshamy.kz.
Odaqtyń baspasóz qyzmeti taratqan málimetke sáıkes, Qazaqstannyń qurylys salasynyń odaǵy (QSO) músheleriniń sheshimimen Odaq basqarmasynyń tóraǵasy bolyp Muhıt Ázirbaev saılandy.
«Qurylys ındýstrıasy odaǵy óndiristik kompanıalardy, qurylysshylardy, jobalaýshylardy, sáýletshilerdi biriktiredi. Odaq óz aldyna qurylysshylardyń kásibı qoǵamdastyqpen qarym-qatynasyn shoǵyrlandyrý jáne qurý, jobalaý jáne qurylys kezinde jańa tehnologıalardy engizý, sondaı-aq qurylys salasyn damytý strategıasyn iske asyrýǵa, qurylys qyzmetteriniń sapasyn arttyrýǵa járdemdesý mindetterin qoıady», – delingen habarlamada.
Eske salaıyq, Muhıt Ázirbaev 2017 jyldyń shildesi men 2019 jyldyń naýryzy aralyǵynda «Almaty áleýmettik-kásipkerlik korporasıasy» basqarma tóraǵasy boldy,
2019 jyldyń naýryz-sáýiri – Almaty qalasy kásipkerlik jáne ınvestısıalar basqarmasynyń basshysy,
2019 jyldyń 8 sáýiri men 2022 jyldyń 21 qyrkúıegi aralyǵynda Almaty qalasy ákiminiń orynbasary qyzmetterin atqarǵan. Ol Almaty ákiminiń orynbasary qyzmetin atqaryp, qurylys jáne energetıka máselelerine jetekshilik etken.
Aıta keteıik, buǵan deıin Qazaqstannyń qurylys salasy Odaǵynanyń tóraǵasy Almaty qalasy máslıhatynyń depýtaty Eraly Saýranbaev boldy.