Baýyrjan Qabdol Almaty qalasy ákimi apparaty basshysynyń orynbasary bolyp taǵaıyndaldy, dep habarlaıdy Almaty-akshamy.kz
Almaty ákimi Erbolat Dosaevtyń ókimimen Almaty qalasy ákimi apparaty basshysynyń orynbasary qyzmetine Baýyrjan Qabdol Jaleluly taǵaıyndaldy.
Baýyrjan Qabdol 1978 jyly Atyraý oblysynda dúnıege kelgen. H.Dosmuhamedov atyndaǵy Atyraý ýnıversıtetiniń kólik kolejin, Ortalyq Azıa ýnıversıtetin, Reseı halyq sharýashylyǵy jáne Memlekettik qyzmet Akademıasyn bitirgen.
Eńbek jolyn 2002 jyly bastaǵan. Ár jyldary memlekettik jáne komersıalyq sektorlarda jumys istedi. 2021-2022 jyldary Aqtóbe oblysynyń qurylys, sáýlet jáne qala qurylysy basqarmasy basshysynyń orynbasary qyzmetin atqardy. 2022 jylǵy maýsymnan bastap taǵaıyndalǵanǵa deıin Qazaqstan Respýblıkasy Ónerkásip jáne qurylys mınıstrligi Qurylys jáne turǵyn úı-kommýnaldyq sharýashylyq isteri komıteti tóraǵasynyń orynbasary bolyp jumys istedi.