Bıyl profesor, qazaq til biliminiń kórnekti ókili Nurjamal Oralbaıqyzynyń týǵanyna 95 jyl.
Osyǵan oraı Abaı atyndaǵy qazaq ulttyq pedagogıkalyq ýnıversıtetinde ǵalym atyndaǵy dárisqana ashylyp, dóńgelek ústel ótti. Nurjamal Oralbaıqyzy-qazaq tiliniń sóz-jasam júıesin jiktep, tereńinen zerttegen maman. Kózi tirisinde 70-ten asa ǵylym doktory men kandıdatyn daıarlaǵan, dep habarlaıdy Almaty-akshamy.kz. 24.kz-ke silteme jasap.
Profesor eńbek jolynda 300-den astam ǵylymı maqala jazǵan. 20-dan astam oqýlyq pen monografıanyń avtory. Ol Ahmet Baıtursynulynan bastap, Shamǵalı Sarybaev sekildi ǵalymdardyń eńbegin tereń zerttegen. İs-sharaǵa jınalǵan ǵalymdar Nurjamal Oralbaıqyzynyń zertteýleri, búgingi kúni de ózekti,-deıdi.
«Ol kisiniń aty qazaq til biliminde «Sózjasam» dep óz aldyna bólek qalyptasqan salamen tyǵyz baılanysty. Nurjamal apaıdyń eńbekteriniń arqasynda qazaq til biliminde «Sózjasam» degen sala damydy. Qazirgi kezde onyń izbasarlary sol salany álemdik lıngvısıkalyq deńgeıde damytyp, jetildirip jatyr», - deıdi A. Baıtursynuly atyndaǵy til bilimi ınstıtýtynyń dırektory Anar Fazyljan.
«Endi qazirgi kezde osy profesor Nurjamal Oralbaevanyń ǵylymdaǵy shyǵarmashylyǵy týraly, onyń ádistemedegi ózindik orny týraly doktorlyq, magıstrlik dısertasıalar qorǵaý kerek dep sanaımyn», - deıdi QR UǴA akademıgi Kárimbek Qurmanálıev.