Almaty qalalyq máslıhatynyń depýtaty Beıbit Qusaıynov keńeıtilgen jıynda qalada elektr samokattaryn jalǵa berýdi tolyqtaı toqtatý bastamasyn kóterdi, - dep habarlaıdy Aqshamnews.kz.
Depýtattyń aıtýynsha, jaldaý qyzmeti tek qaýipsiz paıdalaný sharttary tolyq oryndalǵannan keıin ǵana qaıta iske qosylýy tıis.
Keıingi kezderi Almatyda samokat qaýipsizdigi máselesi jıi talqylanyp júr. Tek bir kúndik reıd barysynda polısıa 800-den astam jol erejesin buzý faktisin anyqtap, 250-den astam samokatty tárkilegen.
«Biz qalada elektrosamokattar, mopedter men elektrobaıktar máselesin talqyladyq. Búginde olardyń qozǵalysy naqty erejelermen rettelmegen: jyldamdyq shektelmegen, turaqtar retsiz, al kópshilik qoldanýshylar jol erejesin múlde bilmeıdi», – dep jazdy Qusaıynov