Almaty ákimi Darhan Satybaldynyń ókimimen Qalalyq josparlaý jáne ýrbanıstıka basqarmasynyń basshysy qyzmetine Almas Janbyrshy taǵaıyndaldy.
Ol 1979 jyly Almaty qalasynda dúnıege kelgen. Almaty qalasyndaǵy Qazaq bas sáýlet-qurylys akademıasyn jáne L.N. Gýmılev atyndaǵy Eýrazıa ulttyq ýnıversıtetin támamdaǵan.
Eńbek jolyn 2003 jyly sáýletshi bolyp bastaǵan. 2005-2018 jyldar aralyǵynda Almaty qalasynyń Sáýlet jáne qala qurylysy basqarmasynda ártúrli laýazymdarda jumys istegen.
2018-2019 jyldary «Almatybasjospar» ǵylymı-zertteý ınstıtýty» JSHS dırektory bolǵan.
2019-2021 jyldary Astana qalasy Sáýlet, qala qurylysy jáne jer qatynastary basqarmasy basshysynyń orynbasary qyzmetin atqarǵan.
2021-2022 jyldary «Astanabasjospar» ǵylymı-zertteý ınstıtýty» JSHS dırektory atanǵan.
2022-2023 jyldary Astana qalasynyń Sáýlet, qala qurylysy jáne jer qatynastary basqarmasynyń basshysy bolǵan.
Osy taǵaıyndaýǵa deıin Astana qalasy ákiminiń keńesshisi qyzmetin atqarǵan.