Almaty ákímí Darhan Satybaldy Abaı dańǵylynan Ál-Farabı dańǵylyna deıíngí Dostyq dańǵyly uchaskesíndegí keshendí abattandyru jūmystarynyń barysymen tanysty.
Joba jaıly qoǵamdyq keńístíktí qalyptastyruǵa baǵyttalǵan. Mūnda trotuarlar jańartylyp, skver salynady, sport alańdary men shaǵyn sáulettík píshínder ornatylady. Sondaı-aq, kógaldandyru, jayau júrgínshíler aımaǵyn keńeıtu jáne rettelgen avtotūraqtardy ūıymdastyru kózdelgen.
Būǵan deıín būl uchaskede trotuarlar tar jáne bírkelkí bolǵan, avtotūraqtar retsíz qoıylyp, jasyl aımaqtar kútímsíz qalǵan, velosıped ınfraqūrylymy bolmaǵan. Mamandardyń aıtuynsha, būl aumaqty jańasha oılastyryp, keshendí jańǵyrtu qajet bolǵan.
Jūmys 4,18 gektar aumaqty qamtıdy, qaıta jańǵyrtylatyn uchaskeníń ūzyndyǵy 1,5 km. Jobany «Almatybasjospar» ǵylymı-zertteu ınstıtuty ázírlegen jáne memlekettík saraptamanyń oń qorytyndysyn alǵan.
Darhan Satybaldy jūmys saparynyń sońynda merzím men jobalyq standarttardyń saqtaluyn qamtamasyz etudí tapsyrdy. Ol Almaty kóshelerí qala tūrǵyndary men qonaqtary úshín taza, zamanauı jáne yńǵaıly boluy kerek ekenín atap óttí.
Dańǵyldy abattandyru qalalyq ortanyń sapasyn arttyruǵa, qauípsíz jáne zamanauı ınfraqūrylym qūruǵa, qala tūrǵyndarynyń jaılylyǵyn arttyruǵa baǵyttalǵan.