Almaty qalasynyń prokýratýrasy quny 3 mlrd teńge bolatyn Jedel medısınalyq kómek keshenin memleket teńgerimine qaıtardy.
Buǵan deıin Almaty qalasy Mamandandyrylǵan aýdanaralyq ekonomıkalyq sotynyń 27.11.2023 jylǵy sheshimimen, qala prokýrorynyń memlekettik múlikti jeke menshikke berý jónindegi áreketterdi zańsyz dep taný týraly talap-aryzy qanaǵattandyrylǵany habarlanǵan bolatyn. Sot sheshimi zańdy kúshine endi, dep habarlaıdy Almaty-akshamy.kz Almaty q. prokýratýrasyna silteme jasap.
Aýdany 3974 m2 jáne 50 sotyq jeri bar bul keshendi, Almaty qalasynyń burynǵy ákimi V. Hrapýnov jeke qurylymdarǵa zańsyz bergen.
Qazirgi ýaqytta jyljymaıtyn múlik, qala ákiminiń 25.04.2024 jylǵy qaýlysymen jedel medısınalyq járdem qyzmetiniń teńgerimine berildi, qosymsha qosalqy stansıa ashý josparlanýda.