Patrúldik polısıa polkiniń qyzmetkerlerine qol saǵattary berildi.
Prokýratýrada sýısıdtiń aldyn alǵan polıseıler marapattaldy, dep habarlaıdy Almaty-akshamy.kz
«Aǵymdaǵy jyldyń 8 naýryzynda Almaty qalasy Túrksib aýdandyq patrúldik polısıa polkiniń qyzmetkerleri, aǵa ınspektorlar Sanjar Ábdiraıymov pen Qudaıbergen Toǵjanov azamattyń ózine-ózi qol jumsaý áreketiniń aldyn aldy», - dep jazylǵan prokýratýra baspasóz qyzmetiniń habarlamasynda.
Er adam jol ústindegi jaıaý júrginshiler kópiriniń qorshaýynan ustap, ilinip turǵan. Jol qozǵalysyn toqtatqan polıseıler júk kóligin ózin tastap jiberýge árekettengen er adamnyń astyna ákelip qoıdy.
Osy áreketter arqyly adamnyń ómirin saqtap, qaıǵyly oqıǵany boldyrmaýdyń múmkindigi týdy.
10 naýryzda Túrksib aýdanynyń prokýrory İzbasar Masaqbaev, adamdy qutqarý boıynsha jedel jáne úılesimdi jumysty qamtamasyz etkeni úshin ınspektorlarǵa alǵysyn bildirip, olardy ataýly qol saǵattarymen marapattady.