Bul týraly budan buryn habarlaǵanbyz.
Almaty qalasynyń prokýratýrasy balalardyń jazǵy demalysyn uıymdastyrǵan "BelRıchı" JSHS-sin ("Arman dala" lagerin) tekserýge kiristi, dep habarlaıdy Almaty-akshamy.kz
Laýazymdyq ókilettikterdi teris paıdalaný (QR Qylmystyq kodeksiniń 361-baby) jáne "Saýna ǵımaratynda balalar lagerin" uıymdastyrý kezinde kámeletke tolmaǵan adamdy tárbıeleý jónindegi mindetterdi oryndamaý (Qazaqstan Respýblıkasynyń Qylmystyq kodeksiniń 140-baby) faktileri boıynsha sotqa deıingi tergeý júrgizilip jatyr.
Prokýratýra lager jetim jáne ata-anasynyń qamqorlyǵynsyz qalǵan balalarǵa arnalyp Almaty qalasy bilim basqarmasynyń búdjetinen qarjylandyrylǵanyn anyqtaǵan. Bul rette usynylǵan konkýrstyq qujattama talaptarǵa tolyq sáıkes kelmegen.
"Qylmystyq isterdi tergeý Almaty qalalyq sybaılas jemqorlyqqa qarsy qyzmetke júkteldi", – delingen habarlamada.
İsterdi tergep-tekserý aıasynda oqıǵanyń barlyq mán-jaıy anyqtalyp, jergilikti atqarýshy organnyń laýazymdy tulǵalary men lagerdi uıymdastyrýshylardyń áreketine baǵa beriledi.
Almatyda halyqtyń áleýmettik osal toptaryna jatatyn otbasylardyń balalary lagerge tegin joldama alǵan. Alaıda saýna ǵımaratynan ashylǵan lager ata-analardyń ashýyn keltirdi. Lagerden ata-analar vıdeo túsirip, jarıalady.