Almaty polısıasynda general Ahmadınniń 85 jasy atap ótildi.
Marapattary men sińirgen eńbegin paraqqa tizýge kelmeıtin, KSRO İİM eńbek sińirgen qyzmetkeri, ádilet general-maıory Álimjan Ahmadınniń 85 jyldyq mereıtoıy Almaty PD-da atalyp ótti, dep habarlaıdy Almaty-akshamy.kz Polisia.kz-ke silteme jasap.
Týǵan kún ıesin quttyqtaý rásimine QR İİM, Almaty qalalyq PD basshylyǵy, Álimjan Ahmadınniń týǵan-týystary, İİO-nyń ardagerleri men áriptesterinen 200-ge jýyq adam qatysty.
«Qurmetti Álimjan Ahmadın! Kóp jylǵy jemisti qyzmetińiz úshin İshki ister mınıstrliginiń atynan jáne jeke óz atymnan alǵys aıtamyn. Denińizge saýlyq, otbasyńyzǵa amandyq, taýsylmas kúsh-qýat, uzaq ǵumyr tileımin», – dedi İshki ister mınıstriniń orynbasary Marat Qojaev.
Týǵan kún ıesine kóptegen jyly sózder, tilekter men quttyqtaýlar aıtyldy. Sahnaǵa syılyqtar ákelinip, dástúr boıynsha shapan japty. PD ansambliniń solıseri Álimjan Ahmadınniń súıikti ánderin oryndady. Álimjan Ahmadın 1937 jyly 15 qarashada Soltústik Qazaqstan oblysy, Sergeev aýdany, Kók-Terek aýylynda aýyldyq mal dárigeriniń otbasynda dúnıege kelgen. Polısıadaǵy qyzmetin Qaraǵandy qalasynda bastaǵan. Qaraǵandy oblysynda 20 jyldan astam ýaqyt qyzmet atqarsa, ishki ister organdaryndaǵy jalpy eńbek ótili – 40 jyldan asady. Qazirgi tańda Almaty qalalyq PD Ardagerler keńesi Prezıdıýmynyń múshesi jáne Qazaqstan Respýblıkasy generaldar keńesiniń múshesi. 10 medalmen, onyń ishinde “Qoǵamdyq tártipti qorǵaýdaǵy minsiz qyzmeti úshin”, 1-2-3 dárejeli “Minsiz qyzmeti úshin”, “Eńbek ardageri” jáne taǵy da basqalar. 2022 jylǵy 25 qazandaǵy Respýblıka Kúni merekesine oraı QR Prezıdentiniń Jarlyǵymen Álimjan Ahmadın 2-dárejeli “Dańq” ordenimen marapattaldy.