Almaty polısıasy turǵyndardy tonaýmen aınalysqan kúdiktini qolǵa túsirdi.
Krımınaldyq polısıa basqarmasynyń habarlaýynsha, QR QK-niń 191-baby 2-bóliginde kózdelgen qylmystyq quqyq buzýshylyqty jasady degen kúdikke ilingen 46 jastaǵy O.esimdi azamatqa qatysty eki tonaý deregi boıynsha qylmystyq is qozǵaldy, dep habarlaıdy Almaty-akshamy.kz Polisia.kz-ke silteme jasap.
Kúdikti zańsyz baıý maqsatynda túnde kesh qaıtyp kele jatqan áıelderdi taýyp alyp, olardyń moıyndaryndaǵy altyn buıymdaryn julyp alǵan. Tergeý barysynda, keshki ýaqytta qaladaǵy aýdandardyń birinde bolǵan kúdikti ótip bara jatqan adamnyń moınyndaǵy alqany julyp alyp, jábirlenýshige 150 myń teńge kóleminde shyǵyn keltirgeni belgili boldy. Aıǵaqty zattar tárkilenip, qylmystyq is materıaldaryna qosyldy.
Aıtpaqshy, er adam buǵan deıin de osyǵan uqsas qylmys jasaǵany úshin sottalǵan. Qazir tergeýshiler kúdiktiniń osyǵan uqsas basqa da qylmysqa qatysy bar-joǵyn anyqtap, aıǵaqtardy ázirlep jatyr. QR QK-niń 201-babyna sáıkes ózge aqparat tergeý múddesine oraı jarıa etilmeıdi. QR Konstıtýsıasynyń 77-baby 3-bólimi, 1-tarmaǵy, QR QK-niń 19-baby 1-tarmaǵyna saı kez kelgen azamat sot sheshimi zańdy kúshine engenge deıin kinásiz dep sanalady.