Qalanyń krımınaldyq polısıasy qarqyn alyp kele jatqan alaıaqtyq túrine basa nazar aýdardy.
Almaty polısıasy ózderin bank pen quqyq qorǵaý organdarynyń qyzmetkerlerimiz dep tanystyratyn alaıaqtardyń azamattardy qalaı aldaıtyny jaıly aıtty, dep habarlaıdy Almaty-akshamy.kz Polisia.kz-ke silteme jasap.
«Onyń tizbegi mynadaı: jábirlenýshiniń uıaly telefonyna qońyraý shalyp, ózderin polısıa qyzmetkeri nemese banktiń qaýipsizdik qyzmetinenbiz dep tanystyrady jáne onyń atyna nesıe alý áreketi bolǵandyǵy týraly habarlaıdy. Olardy shottarda aqshanyń bar-joǵy da qyzyqtyrady. Eger jábirlenýshi bul áńgimeniń rastyǵyna kúmándansa, banktiń jalǵan qyzmetkerleri qazir tártip saqshylarynyń habarlastyndyǵyn aıtady. Sodan keıin áńgimege jalǵan polısıa qyzmetkeri kirisip, ózin departamenttiń nemese prokýratýranyń bastyǵymyn dep tanystyrady, osy qyzmetterdiń qazirgi basshylarynyń aty-jónin (málimetteri men qyzmetteri ınternette erkin qoljetimdi) ataıdy jáne nesıe rásimdemek bolǵan alaıaqty ustaý úshin azamattyq boryshyn óteýdi tabandy túrde suraıdy. Ol úshin qońyraý shalýshy shottardaǵy bar qarajatty sheship alyp, olardy banktiń qaýipsiz shotyna jiberý qajet ekenin habarlaıdy. Sodan keıin ol syıaqy alý úshin naqty derekteri men kartalaryn satyp jibergen, QR-nyń azamattaryna tıesili, karta derektemelerin beredi. Al jábirlenýshi bul arada óz jıǵan-tergenine qorqyp, alaıaqtardyń yqpalyna túsip, naǵyz qylmyskerlerdiń sońynan erip, olarǵa óz qolymen aqsha jiberedi», – deıdi Almaty qalalyq PD Krımınaldyq polısıa basqarmasynyń bastyǵy Qýatbek Naýatov.
Spıkerdiń aıtýynsha, qaskóıler jábirlenýshini osy arnaıy is-sharanyń tıimdiligine silteme jasaı otyryp, birneshe bankten nesıe alýǵa kóndiretin senarıdiń sál basqasha túsindirmesi de bar. Keıbir jábirlenýshiler bul tek resmı qajettilik ekenine jáne polısıaǵa shynymen kómektesetinine senimdi bola otyryp, birneshe kún boıy alaıaqtardyń talaptaryn oryndaıdy.
«Sonymen qatar, jalǵan qyzmetkerler “arnaıy is-sharaǵa qatysýshyǵa” bul týraly bireýge habarlaýǵa qatań tyıym salady. Shyn máninde bul psıhologıalyq trúk árqashan tez baǵdarlana almaıtyn jáne bolyp jatqan jaǵdaıdy baısaldy baǵalaı almaıtyn qart adamdar úshin jaqsy jumys isteıdi. Egde adamdar óte sengish, sondyqtan olar kóbinese aldanyp qalady. Qurmetti jerlester! Sizderden saq jáne muqıat bolýlaryńyzdy suraımyz. Kúmándi qońyraýlarǵa jáne beıtanys adamdardyń sizge aıtatynyna sene bermeńiz», – dedi Q.Naýatov.