Qabyldanǵan sharalar týraly ótinish avtorlaryna belgilengen merzimde habarlanady.
Almaty polısıasy túkirgen adamdardyń fotosy men vıdeosyn «102» qosymshasy arqyly jiberýdi suraıdy, dep habarlaıdy Almaty-akshamy.kz Polisia.kz-ke silteme jasap.
Almaty polısıasy sıfrlyq aqparattyq resýrstardy paıdalana otyryp, polısıaǵa habarlasýdyń balamaly tásilderin, sonyń ishinde Qazaqstan Respýblıkasy İİM engizgen «102» qosymshasy arqyly azamattardyń habarlamalaryn omnıkanaldy qabyldaýdy eske saldy.
«Atap aıtqanda, qoǵamdyq tártipti buzý jáne qoǵamdyq oryndardy lastaý týraly ılústrasıalardy jiberýge shaqyramyz. Kórsetilgen resýrs arqyly táýlik boıy 20 operator beıne qońyraýlar, aýdıo nemese SMS-habarlamalardy qabyldaıdy. Qabyldanǵan sharalar týraly ótinish avtorlaryna belgilengen merzimde habarlanady. Aıta ketken jón, almatylyqtar belsendilik tanytyp, zańdylyq pen tártipti qamtamasyz etýge óz úlesterin qosýda. Qoljetimdi baılanys arnalary arqyly olar usaq quqyqbuzýshylyqtar týraly habar beredi. Jyl basynan beri «102» qosymshasy arqyly azamattar 500-ge jýyq habarlama joldaǵan. Eń jıi kezdesetini – túkirgen adamdar týraly. Jalpy, jyl basynan beri atalǵan quqyqbuzýshylyq úshin QR ÁQbK-niń 434-baby 2-bóligi boıynsha 5 613 adam ákimshilik jaýapkershilikke tartyldy», – dedi Almaty qalalyq PD Jergilikti polısıa qyzmeti basqarmasynyń bastyǵy Erjan Uzabaev.
Spıkerdiń aıtýynsha, bıylǵy jyldyń jeti aıynda qalany abattandyrý erejelerin buzýdyń 17 152 deregi, qoǵamdyq orynda alkogóldik ishimdikterdi ishýdiń 11 481 deregi, tynyshtyqty buzýdyń 5 494 deregi, temeki shegýge tyıym salýdy buzýdyń 3 077 deregi tireldi, sondaı-aq 505 usaq qylmys jáne t.b.anyqtaldy.
Almaty qalalyq PD Ákimshilik zańnamaǵa sáıkes qoǵamdyq oryndarda (aýmaqtarda, halyq úshin qoljetimdi nemese ashyq nysandarda), saıabaqtar men alańdardaǵy belgili bir áreketter zańmen shekteledi jáne jaýapkershilikke ákep soǵady.
Mysaly, QR ÁQbK-niń 434-2-babynyń talaptaryna sáıkes, qoǵamdyq oryndardy lastaýǵa baılanysty áreketterdi jasaýǵa tyıym salynady. Sıpattamalardy eskere otyryp, túkirý qoǵamdyq oryndardy lastaıdy, sondyqtan bul áreketter osy quqyqbuzýshylyqtyń belgilerine jatady.