Bir jyl boıy jas maman turaqty tálimgermen qyzmet etedi
L.B.Goncharov atyndaǵy Qazaq kólik-jol akademıasynda polısıa qyzmetkerlerimen jeke quramnyń tusaýkeseri ótti, dep habarlaıdy Almaty-akshamy.kz Polisia.kz-ke silteme jasap.
«Quqyq qorǵaý qyzmeti – qaýipsizdikti, quqyqtyq tártipti qamtamasyz etý, qylmysqa qarsy kúres, azamattardyń quqyqtary men bostandyqtaryn qorǵaý fýnksıalaryn júzege asyratyn memlekettik qyzmettiń erekshe túri. Almaty qalasynyń Polısıa departamenti QR İİM-niń negizgi bólimsheleriniń biri. Búgingi jıynnyń basty mindeti – sizderdi ishki ister organdaryna qyzmetke shaqyrý», – dedi Almaty qalalyq Polısıa departamenti bastyǵynyń orynbasary Oljas Myrzabekov.
Qyzmetke jaramdylyǵyn anyqtaý úshin İİO-ǵa kandıdattar áskerı-dárigerlik komısıada medısınalyq tekserýden, onyń ishinde polıgrafologıalyq tekserýden ótýi qajet.
Úmitkerler QR İİM-niń vedimistik joǵary oqý oryndarynyń arnaıy oqý kýrstaryna túser aldynda dene daıyndyǵy boıynsha normatıvterdi tapsyrady jáne konkýrstyq komısıada áńgimelesýden ótedi.
Oqý kýrstary aıaqtalǵannan keıin kandıdattar laýazymdarǵa bekitilip, olarǵa orta basshy quramnyń «polısıa leıtenanty» arnaýly ataǵy beriledi. Bir jyl boıy jas maman turaqty tálimgermen qyzmet etedi, osy kezeńde ishki ister organdary júıesinde beıimdelý jáne qalyptasý prosesi júredi.
«İİM basshylyǵynyń bastamasynyń arqasynda qyzmetkerlerdiń jalaqysy 2021 jyly 65 paıyzǵa deıin ósti, al bolashaqta 2022-2023 jyldary laýazymdar sanatyna baılanysty 15 paıyzdan 59 paıyzǵa deıin kóteriledi. Sondaı-aq, polısıa qyzmetkerlerin áleýmettik qamsyzdandyrýǵa úsh jaqty shart jasasý arqyly turǵyn úıge aqy tóleý kiredi, onyń tólemi qyzmetkerdiń arnaıy shotyna aýdarylady. Sonymen qatar, polısıa qyzmetkerleri «Shyńyraq», «Almaty jastary» sıaqty jeńildetilgen nesıege baspana satyp alý boıynsha memlekettik baǵdarlamalarǵa qatysýǵa quqyly», – dedi Myrzabekov.