Tájikstan men Ózbekstannyń 18 azamaty elderine qaıtty.
Qalanyń kóshi-qon qyzmetiniń habarlaýynsha, bul adamdar elimizde zańsyz júrgen.
Polısıa qyzmetkerleri zańsyz kóshi-qon arnalaryn, sheteldikterdi zańsyz jumysqa ornalastyrý derekterin anyqtaý maqsatynda“Mıgrant” is-sharasy ótkizýde, dep habarlaıdy Almaty-akshamy.kz Polisia.kz-ke silteme jasap.
Tájirıbe kórsetkendeı, zańsyz júrgen kelimsekter kóbinese qylmystyq qol suǵýshylyqtyń nysanyna aınalady nemese olardy ózderi jasaıdy.
"“Mıgrant” jedel aldyn alý is-sharasy aıasynda kóshi-qon zańnamasyn buzǵany úshin Ózbekstan men Tájikstannyń 18 azamaty ákimshilik jaýapkershilikke tartyldy. Olar qalanyń aýdanaralyq mamandandyrylǵan ákimshilik sotynyń sheshimimen memleketimizden shyǵaryldy. Atalǵan elderdiń QR-daǵy konsýldyq qyzmetiniń kúshterimen azamattar Ózbekstan Respýblıkasynyń shekarasyna deıin reıstik avtobýspen jetkizildi. Olarǵa dıplomattarmen elge oralý týraly kýálik berildi", – dedi Almaty qalalyq PD kóshi-qon qyzmeti basqarmasynyń bastyǵy Asqat Býtýnchınov.