Aýa raıynyń nasharlaýyna baılanysty Almatynyń tártip saqshylary jol qozǵalysyna qatysýshylardy qaýipsizdik sharalaryn kúsheıtýge shaqyrady, dep habarlaıdy almaty-akshamy.kz
– Bul úndeý kóbinese kólik quralyn basqaratyn qalanyń júrgizýshilerine arnalǵan. Biz olardy jol qozǵalysy erejelerin saqtaýǵa, kólik júrgizý mádenıetin kórsetýge jáne muqıat bolýǵa shaqyramyz. Bul úndeý qazir óte ózekti jáne qala joldaryndaǵy qaıǵyly jaǵdaılardy boldyrmaýǵa kómektesedi, – dedi Almaty qalalyq PD ákimshilik polısıa basqarmasy bastyǵynyń orynbasary Bolatbek Baıatanov.
Anyqtama úshin: Almaty qalasy PD Jedel basqarý ortalyǵynyń málimeti boıynsha, búgin tańerteńgi 08:00-den bastap “102” púltine jol-kólik oqıǵasy týraly 57 habarlama kelip tústi.