Jyl basynan beri qalada jolaýshylar kóliginiń qatysýymen 173 jol-kólik oqıǵasy boldy, sonyń saldarynan 5 adam qaza tapty, taǵy 212 adam jaraqat alǵan, dep habarlaıdy aqshamnews.kz Polisia.kz-ke silteme jasap.
– Jolaýshylardy tasymaldaýdy júzege asyratyn kólik quraldary júrgizýshileriniń Jol qozǵalysy erejelerin buzý derekteriniń aldyn alý jáne jolyn kesý maqsatynda turaqty negizde profılaktıkalyq jumystar júrgizilip jatyr. Atap aıtqanda, jumys jáne demalys rejımin saqtaý jáne uıqyshyldyqty jeńýdiń qarapaıym erejeleri týraly. Mysaly, birneshe dene jattyǵýlaryn, salqyn sýmen jýyný, jylytatyn sýsyndar – shaı, kofe jáne basqa da qajetti dúnıelerdi usynamyz. Qarapaıym dúnıe sıaqty kóringenimen, bular jolaýshylar tasymalynyń qaýipsizdigin qamtamasyz etýde mańyzdy ról atqarady. Sonymen qatar avtokólik kásiporyndarynyń basshylary men medısına qyzmetkerlerine kólik júrgizýshileriniń sharshaý dárejesin anyqtaý úshin kúndelikti tekserýden ótkizý usynylady, – dedi Almaty qalalyq PD ákimshilik polısıa basqarmasynyń bastyǵy Asqat Qulbaev.
Aqparat kózi Polisia.kz saıtynda: https://polisia.kz/almaty-politsiyasy-zholaushylar-tasymalynyng-qauipsizdigin-tekserip-zhatyr/