Almaty qalalyq Polısıa departamentiniń jedel bólimsheleri jańa tehnologıalardy qoldanyp, keshe túnde qoǵamda negizsiz dúrbeleń men úreı týdyrǵan jalǵan habarlamalardyń avtorlaryn anyqtap jatyr, dep habarlaıdy almaty-akshamy.kz.
«Jalǵan aqparat taratqany úshin qylmystyq jaýapkershilik qarastyrylǵan», - dep eskertti qalanyń polısıa departamenti.
Buǵan deıin tártip saqshylary azamattardy aqparattyq mádenıetti saqtaýǵa shaqyryp, tek resmı aqparat kózderinen alynǵan málimetke senýdi usynǵan bolatyn.
Eske salaıyq, qańtardyń 22-sinen 23-ine qaraǵan túni Almatyda birneshe tolqynmen jer silkindi. Resmı málimet boıynsha alǵashqy dúmpýdiń amplıtýdasy 5 balǵa deıin jetken.
Epısentri Almatydan ońtústik-shyǵysqa qaraı 264 shaqyrym jerde, Qyrǵyzstan men Qytaı shekarasynda ornalasqan túngi jer silkinisi Almaty men Shymkentten bólek, Astanada jáne Qazaqstannyń 5 oblysynda sezilgen.