Almatyda esirtki zerthanasy joıyldy, – dep habarlaıdy aqshamnews.kz. Ol qalanyń Medeý aýdanynda jeke sektorda ornalasqan.
– Arnaıy is-shara qalalyq prokýratýranyń úılestirýimen júrgizildi. Jaldamaly úıde sıntetıkalyq esirtki óndirýdi uıymdastyrǵan 35 jastaǵy Almaty oblysynyń turǵyny ustaldy. Tintý kezinde untaqty zattar salynǵan ondaǵan polıetılen baılamdar, belgili bir ıisi bar kólemdi kanıstrlerge salynǵan shıkizat, sorǵyshy jáne gofry bar 1,80*1,20 ólshemdi monsha, ishinde reagentterdi, shelekterdi, qabaty bar plasmassany aralastyrýǵa beıimdelgen 150 lıtrlik plasıkalyq bóshke, tarazylar jáne basqa da zerthanalyq jabdyqtar anyqtaldy jáne prosesýaldyq túrde tárkilendi. Sot-hımıalyq saraptamasynyń málimetteri boıynsha, untaqty zat – mefedron, salmaǵy 21 keli 773 gram, – dedi Almaty qalalyq polısıa departamenti bastyǵynyń birinshi orynbasary Qýatbek Naýatov.
Atalǵan derek boıynsha Medeý aýdandyq polısıa basqarmasy sotqa deıingi tergeý amaldaryn bastady. Esirtki zerthanasynyń mamany qamaýǵa alyndy. Almaty qalasyn “sıntetıka” óndirisi úshin shıkizatpen qamtamasyz etý arnasy anyqtalýda.