Almaty polısıasynyń málimetinshe, alaıaqtar kóbinese kelesi qylmystyq tizbekterdi paıdalanady:
– banktik qaýipsizdik qyzmetiniń qońyraýy: alaıaqtar sizdiń shotyńyzdaǵy kúdikti tranzaksıalar týraly habarlaıdy jáne shottardy qorǵaý úshin shotyńyzdan aýdarymdar jasaý kerek dep sendiredi.
– Ulttyq qaýipsizdik komıtetinen jáne basqa da quqyq qorǵaý organdarynan qońyraý shalý: alaıaqtar qaýipti alaıaqty ustaý boıynsha arnaıy is-shara júrgizilip jatqanyn habarlaıdy jáne sizdiń shotyńyzdaǵy qarajattyń joǵalýyna ákeletin áreketterdi jasaýǵa kóndiredi.
– uıaly baılanys operatorynan qońyraý shalý: alaıaqtar ózderin uıaly baılanys operatorlarynyń qyzmetkerlerimiz dep tanystyryp, SIM-kartańyzdyń merzimi aıaqtalýǵa jaqyn dep habarlaıdy. Kelisimshartty jańartý úshin olar sizdi telefonyńyzǵa jiberiletin SMS-kodtaryn aıtýdy suraıdy.
– brokerlerdiń qońyraýy: alaıaqtar aıyna 50 paıyzdan astam kiristilikpen krıptovalútaǵa, altynǵa, aksıalarǵa paıdaly ınvestısıa jasaýdy usynady. Investısıany alǵannan keıin qaskóıler qurbandy barlyq áleýmettik jelilerde jáne messendjerlerde buǵattaıdy.
– joq ónimdi nemese qyzmetti satý: alaıaqtar áleýmettik jelilerde jáne ınternet-platformalarda ónimdi nemese qyzmetti satý týraly jarnamany ornalastyrady. Tólemdi alǵannan keıin olar joǵalady.
– basshydan keletin habarlama: alaıaqtar memlekettik organdardyń nemese jeke uıymdardyń joǵary laýazymdy basshylarynyń atynan Whatsapp messendjerinde akkaýnt ashyp, onyń ashyq derekkózderden alynǵan sýretin ózderiniń avataryna salyp, sosyn qol astyndaǵylarǵa túrli syltaýlarmen jedel túrde úshinshi adamdardyń ártúrli shottaryna aqsha qarajatyn jiberý qajettigi týraly jazady. Barlyq jaǵdaıda Almaty polısıasy áńgimeni dereý toqtatyp, bul derekti bankke jáne aýmaqtyq quqyq qorǵaý organdaryna habarlaýdy qatań túrde usynady.