Bul týraly Almaty qalasynyń Óńirlik komýnıkasıalar qyzmetiniń brıfıńinde Almaty qalasy PD Tergeý basqarmasy basshysynyń orynbasary, polısıa polkovnıgi Aıbat Myrzamadıev málimdedi. Qazirgi ýaqytta sot-medısınalyq saraptamalar taǵaıyndalyp, júrgizilýde.
Aldyn ala nusqa boıynsha, 13 adamnyń óliminiń sebebi ys tıip, ýlaný boldy.
"Qaza tapqan 13 azamattyń tórteýi sheteldikter. Reseı Federasıasynan eki adam jáne Ózbekstannan eki adam. Dıplomatıalyq arnalar arqyly qaza tapqandardyń týystary habardar etildi", - dedi polısıa polkovnıgi Aıbat Myrzamadıev.
Sondaı-aq, polıseı Almatyda órtengen hostel ıeleriniń anyqtalǵanyn habarlady.
"Qazirgi ýaqytta olardyń qaıda ekenin anyqtaý sharalary qabyldanýda. Qazir biz barlyq qujattamany kóterip jatyrmyz, jaǵdaı anyqtalýda", - dedi Almaty PD tergeý basqarmasy bastyǵynyń orynbasary Aıbat Myrzamadıev.