Tártip saqshylary dabyl qaǵýda.
Polıseılerdiń aıtýynsha, esirtki qylmysyna jastar kóbirek tartylýda. Olardyń kópshiligi esirtkini qoldaný men taratýdyń saldary týraly oılanbaıdy, dep habarlaıdy Almaty-akshamy.kz Polisia.kz-ke silteme jasap.
«Atap aıtqanda, esirtki satylatyn saıttardyń mekenjaılary kórsetilgen trafarettik jarnamany qoldaný arqyly aqsha tabýǵa tyrysatyndar týraly, sondaı-aq esirtkini jasyryn jerge qoıyp ketý zań boıynsha jazalanbaıdy dep oılaıtyndar jaıynda bolyp otyr. Bul ekeýiniń de qylmys ekenin jáne Qylmystyq kodekstiń normalarymen retteletinin jaýapkershilikpen málimdeımin. Esirtki jáne psıhotroptyq zattardy jarnamalaǵany úshin zań shyǵarýshy 6 jylǵa deıin bas bostandyǵynan aıyrý túrindegi jazany, al esirtkini jasyryn jerge qoıyp ketkendigi úshin 15 jylǵa deıingi merzimge bas bostandyǵynan aıyrý túrindegi jaýapkershilikti qarastyrady. Óz bolashaǵyńyzdy qurtpańyz! Bireýdiń taǵdyryn talqandaýǵa úles qospańyzdar!»– dedi Almaty qalalyq PD Esirtki qylmysyna qarsy kúres basqarmasynyń bastyǵy Erlan Álmaǵambetov.