Almatyǵa esirtki jetkizý arnasy anyqtaldy.
Almaty polısıasy esirtki satýshylardyń qylmystyq tobyn joıdy, dep habarlaıdy Almaty-akshamy.kz Polisia.kz-ke silteme jasap.
Esirtki qylmysyna qarsy kúres bóliminiń habarlaýynsha, polısıanyń arnaıy jasaqtarynyń kómegimen júrgizilgen arnaıy is-shara barysynda bes er adam ustaldy. Olardyń barlyǵy da Jambyl oblysy, Shý aýdanynyń týmalary.
«Kúdiktiler qalanyń ár jerinde ustaldy. Máselen, "Qalqaman" shaǵynaýdanynda 46 jastaǵy A. esimdi azamat quryqtaldy. Ruqsat etilgen tintý kezinde odan syǵymdalǵan gashısh zaty salynǵan tórt býma, 1 mln 150 myń teńge kólemindegi qolma-qol aqsha jáne İİO zeınetkeriniń jalǵan kýáligi tabyldy jáne tárkilendi. Al kúdiktiniń úıinen, úıdiń qazandyǵynan jalpy salmaǵy 4 keliden asatyn gashısh esirtki zaty salynǵan 7 polıetılen býmasy men metal tarazylar tabyldy. Dál sondaı jalǵan qujat toptyń taǵy bir múshesinen – 40 jastaǵy O. esimdi azamattan tárkilendi. Arnaıy is-shara nátıjesinde zańsyz aınalymnan jalpy salmaǵy 34 kelige jýyq gashısh tárkilendi. Kúdiktiler qamaýǵa alyndy», – dedi Almaty qalalyq PD esirtki qylmysyna qarsy kúres basqarmasynyń bastyǵy Erlan Álmaǵambetov.
Polıseılerdiń aıtýynsha, Almatyǵa esirtki jetkizý arnasy anyqtaldy. Qazirgi ýaqytta shópti áleýetti paıdalanýshylardyń aýqymy tekserilip jatyr. Sonymen qatar Almaty qalalyq PD, QR QPK-niń 201-babynyń talaptaryna, sondaı-aq QR Konstıtýsıasynyń normalaryna sáıkes, qylmystyq is boıynsha ózge de málimetter jarıa etýge jatpaıtynyn habarlaıdy.