Bıylǵy jyly bótenniń múlkin urlaýmen kúrestiń ózekti baǵyty – moped, velosıped, samokattar urlyǵynyń aldyn alý.
Saraptamaǵa sáıkes, kóp jaǵdaıda urlyqtyń bul túri keıbir azamattardyń óz múlkine uqypsyz qaraýynan, mopedterin, velosıpedterin jáne samokattaryn qaraýsyz qaldyrý saldarynan bolady, dep habarlaıdy Almaty-akshamy.kz Polisia.kz-ke silteme jasap.
Polısıa keńesi:
– Serýendeýden keıin velosıpedterdi, arbalardy jáne samokattardy páterlerge, jabdyqtalǵan qoımalarǵa nemese jertólelerge kirgizý kerek. Kire beriste qaldyrylǵan múlik, tipti ony urlyqqa qarsy trospen bekitken jaǵdaıda da, onyń qaýipsizdigine kepildik bermeıdi, óıtkeni qaskóıler trostardy arnaıy daıyndalǵan quraldarmen ońaı kesip alady;
– Kúndelikti páterge múlikti kirgizý múmkin bolmaǵan jaǵdaıda, úıdiń janynan qajetti ǵımaratty tańdaý qajet (garajdar, kúzetiletin jeke aýmaqtar, kólik turaqtardyń aýmaqtary, jeke úılerdiń aýmaqtary jáne t.b.);
– Qala boıynsha saıahattaý kezinde velosıpedter men samokattardy kúzetiletin jerlerde nemese beınebaqylaý kameralarymen jabdyqtalǵan oryndarda qaldyrý qajet (nysannyń kúzetiniń, polısıanyń mobıldi beketteriniń janynda, keńseniń jáne basqa da ǵımarattyń negizgi kireberisiniń aldyna);
– Urlyq bolǵan jaǵdaıda polısıa qyzmetkerlerin jedel baǵdarlaý úshin oqıǵa týraly dereý “102” púltine habarlaý qajet. Bul jaǵdaıda urlanǵan múlik týraly aqparatty daıyndap qoıý kerek (qujattary, markasy, túsi, sýreti, serıalyq nemese basqa nómirlik belgileri).
Aqparat kózi Polisia.kz saıtynda: https://polisia.kz/almaty-politsiyasy-eki-donggelekti-kolikti-urlyqtan-qalaj-saqtau-kerektigin-ajtty/