Almaty polıseıleri keminde tórt azamatty aldap ketken 18 jastaǵy jigitti ustady.
Tártip saqshylarynyń aldyn ala málimeti boıynsha, A.esimdi azamat saýda jáne oıyn-saýyq ortalyqtarynda shaǵyn áleýmettik rolık túsirý úshin kelýshilerge jaqyndap, telefondaryn suraǵan, dep habarlaıdy Almaty-akshamy.kz Polisia.kz-ke silteme jasap.
«Jábirlenýshilerdiń arasynda kúdiktiniń tanysy bar. Ol túsirilim sapasy mańyzdy ekendigine sendirip, odan Apple iPhone 11 telefonyn surap alǵan. Ańǵal azamattar jas jigittiń ótinishinen bas tartqan joq. Qolyna gadjetti alǵannan keıin kúdikti jasyrynyp qalǵan. Jedel izdestirý is-sharalaryn júrgizý barysynda 18 jastaǵy A. esimdi azamat ustaldy. Tergeýdiń osy kezeńinde onyń tórt alaıaqtyq isine qatysy bolýy múmkin ekendigi joqqa shyǵarylmaıdy. Olar boıynsha sotqa deıingi tergeýdiń biryńǵaı tizilimine QR QK-niń 190-baby 3-bóligine sáıkes qylmystyq is tirkeldi», – dedi Áýezov aýdandyq polısıa basqarmasynyń bastyǵy Ulan Ábilqaıyr.
Qylmystyq is boıynsha ózge de málimetter QR QPK-niń 201-baby jáne QR Konstıtýsıasynyń normalaryna sáıkes jarıa etýge jatpaıdy.