Jol júrý Erejesin buzǵan 327 motosıkl júrgizýshisi ákimshilik jaýapkershilikke tartyldy
Jol-kólik oqıǵalarynyń aldyn alý jáne tıisti jol qaýipsizdigin qamtamasyz etý maqsatynda aǵymdaǵy jyldyń 8 maýsymy men 12 maýsym aralyǵynda motosıkl júrgizýshileriniń JQE buzý derekterin anyqtaý úshin qala joldarynda reıdtik is-shara ótip jatyr, dep habarlaıdy Almaty-akshamy.kz.
"Jyl basynan beri jol júrý Erejesin buzǵan 327 motosıkl júrgizýshisi ákimshilik jaýapkershilikke tartyldy. Bul kólik túrin basqaratyn keıbir azamattar óreskel buzýshylyqtarǵa jol berip, apattyq jaǵdaı týǵyzatyny jasyryn emes. Mundaı qylmystyq abaısyzdyq jıi aýyr zardaptary bar apatqa ákep soǵady», - dedi, Almaty qalalyq PD jergilikti polısıa qyzmeti Basqarmasy bastyǵynyń orynbasary, polısıa podpolkovnıgi Erjan Uzabaev.
Spıker, azamattardyń motosıkl júrgizýshileriniń agressıvti júrgizýine jıi shaǵymdanatynyna nazar aýdardy. Osyǵan oraı, tynyshtyqty buzý derekterin aldyn alý maqsatynda reıdter túngi ýaqytta júrgizilýde.