Almatyda “Ýchaske” jedel-profılaktıkalyq is-sharasy ótkizilip jatyr.
Basty maqsattardyń biri – tirkelgen atys qarýyn qoldanýmen jasalýy múmkin qylmystyń aldyn alý jáne jolyn kesý, sondaı-aq tirkelgen qarýy bar adamdar arasynda quqyq buzýshylyqtyń aldyn alý. Azamattyq jáne qyzmettik qarýdy qaýipsiz ustaý erejelerin saqtaý maqsatynda polıseıler olardyń ıelerin turǵylyqty jeri boıynsha tekserip jatyr, dep habarlaıdy aqshamnews.kz Polisia.kz-ke silteme jasap.
– Polıseıler qazirdiń ózinde 9400-den astam azamattyq qarý ıesin tekserdi, nátıjesinde olardyń 183-inde azamattyq qarýdy saqtaý sharttaryn, tirkeý jáne qaıta tirkeý erejelerin buzý derekteri anyqtaldy. Olar jaýapkershilikke tartyldy. Atalǵan zań buzýshylyqtar joıylǵanǵa deıin 141 birlik esepte turǵan qarý tárkilendi. Sonymen qatar qoldanystaǵy zańnamaǵa sáıkes barlyq menshik nysanyndaǵy kásiporyndardyń, mekemelerdiń, uıymdardyń jáne azamattardyń ruqsat berý júıesiniń erejelerin saqtaýyn baqylaýdy qamtamasyz etý boıynsha uıymdastyrýshylyq jáne tájirıbelik sharalar qabyldanyp jatyr, – dedi Almaty qalasy PD ákimshilik polısıa basqarmasynyń basshysy Asqat Qulbaev.
Tártip saqshylary azamattardy qarý-jaraq máselesine beıqam qaramaýǵa shaqyrady.
– Azamattyq jáne qyzmettik qarýdyń aınalymy salasyndaǵy barlyq zańnamalyq talapty buljytpaı jáne adal oryndańyzdar, ruqsattardyń qoldanylý merzimin jáne olardy turǵylyqty jerińizde saqtaý erejelerin qatań saqtańyzdar, – dedi Asqat Qulbaev.