Kúdiktiler qamaýǵa alyndy.
40 jastaǵy almatylyqty qylmyskerler Almaly aýdanynda ornalasqan turǵyn úı aýmaǵynan urlap ketken, dep habarlaıdy Almaty-akshamy.kz Polisia.kz-ke silteme jasap.
«Urlanǵan azamattyń áıeli polısıaǵa aryzben júgingen. Dereý arnaıy jedel tergeý toby qurylyp, alǵashqy is-sharalar kesheni júrgizildi, bul urlaýshylardyń jeke basyn jáne olardyń jábirlenýshini qaı jerde ustap otyrǵanyn jyldam anyqtaýǵa múmkindik berdi. Er adamdy bosatý boıynsha arnaıy is-shara qalanyń Túrksib aýdanyndaǵy qoımalar aýmaǵynda júrgizildi. Tórt adam ustaldy. Olar buryn bopsalaý jáne buzaqylyq úshin sottalǵan. Urlanǵan azamat aman-esen bosatyldy. Ony qatty soqqyǵa jyqqandyqtan, medısınalyq kómek qajet boldy. Jábirlenýshiniń aıtýynsha, beıtanys adamdar ony bosatý úshin 200 myń dollar talap etken, áıtpese, geroıny bar ıneksıamen egemiz dep qorqytqan», – deıdi Almaty qalalyq polısıa departamenti bastyǵynyń orynbasary Dıdar Ahanov.
Qylmystyń naqty sebebi QR QK-niń 125-baby 2-bóligimen tirkeldi. Sotqa deıingi tergeý barysynda istiń mán-jaıy belgili bolady. Kúdiktiler qamaýǵa alyndy.