Almatynyń kóshi-qon qyzmeti jaqynda Almatydaǵy turǵyn aýdandardyń birinde júrgizilgen reıd qorytyndysy boıynsha osyndaı málimetterdi keltirdi.
Munda bólimsheniń málimetinshe, óndiris oryndarynyń birinde kórshi memlekettiń 41 azamaty anyqtaldy, dep habarlaıdy Almaty-akshamy.kz Polisia.kz-ke silteme jasap.
Olar ruqsat berý qujattarynsyz zańsyz eńbek qyzmetin júzege asyrǵan. Olardyń 20-sy sottyń uıǵarymymen Qazaqstan Respýblıkasynan shyǵarylsa, ekeýine ákimshilik aıyppul salyndy, taǵy 19 quqyq buzýshy jeke basyn kýálandyratyn qujattarynyń bolmaýyna baılanysty qabyldap-taratý ornyna ornalastyryldy. Sonymen qatar, qazirgi tańda sheteldik jumys kúshin zańsyz tartqan jumys berýshilerge shara qoldaný jumystary júrgizilip jatyr, – deıdi Almaty qalalyq PD kóshi-qon qyzmeti basqarmasynyń bastyǵy Asqat Býtýnchınov.