Ustalǵan azamat ýaqytsha ustaý ızolátoryna qamaldy.
Almaty polıseıleri polısıa saqshylarynan aqsha bopsalady degen kúdikpen er azamatty ustady, dep habarlaıdy Almaty-akshamy.kz.
İshki ister mınıstrliginiń resmı saıtynyń deregi boıynsha, 34 jastaǵy B.esimdi er adam ózin patrúldik polısıa qyzmetkerlerine bloger retinde tanystyryp, arandatýshylyqtar jasamaýǵa jáne jelide beıneler ornalastyrmaýǵa ýáde berip, aqsha bopsalaýmen aınalysqan.
«Soma 50-den 200 myń teńgege deıingi aralyqta boldy. Muny júrgizilgen jedel jáne arnaıy is-sharalar rastaıdy. Kúdiktini qamaýǵa alý qalanyń Áýezov aýdanynda suratqan $300 alyp jatqan kezde júzege asyryldy. Zattaı dáleldemeler tárkilendi jáne QR QK-niń 194-baby 2-bólimi boıynsha qylmystyq is materıaldaryna qosa tirkeldi. Qaskóı ýaqytsha ustaý ızolátoryna qamaldy. Fakti boıynsha tergeý amaldaryn PD tergeý basqarmasy júrgizýde», – dep habarlady Almaty qalasy polısıa departamenti bastyǵynyń orynbasary Rýstam Ábdrahmanov.