Almatyda polıseıler komýnaldyq qyzmetterge qalany qardan tazalaýǵa kómektesip jatyr.
Qalyń jaýǵan qardy tazalaý kezinde patrúldik polısıa polki men mamandandyrylǵan batalónnyń 25 ekıpajy qar tazalaý tehnıkasyna jol bastap júrdi, dep habarlaıdy Almaty-akshamy.kz Polisia.kz-ke silteme jasap.
Maqsat – jol qaýipsizdigin qamtamasyz etý, jol-kólik oqıǵalaryn azaıtý jáne azamattarǵa qaýipsiz jaǵdaı jasaý.
«Sonymen qatar qalanyń negizgi magıstraldarynda keshki ýaqytta qozǵalys qolmen retteý arqyly qamtamasyz etildi. Sońǵy táýlikte qalada barlyǵy 22 jol-kólik oqıǵasy tirkeldi. Qaza tapqandar joq. Tolassyz jaýǵan qar qaladaǵy jol jaǵdaıyn aıtarlyqtaı qıyndatqany anyq: keptelis paıda bolyp, kólikterdiń jolda júrýi qıyndady. Biraq tájirıbe kórsetkendeı, kóbinese bul qubylystar jol qozǵalysyna qatysýshylardyń nashar tártibinen týyndaıdy: keıbir júrgizýshiler jyldamdyqty tómendetpeıdi, apattyq jaǵdaılar, qaýipti manevrler jasaıdy, bir-birine qurmet kórsetpeıdi, jaıaý júrginshiler durys emes jerden joldan ótedi. Osy faktorlar jalpy jol jaǵdaıyna keri áser etedi», – dedi Almaty qalalyq PD jergilikti polısıa qyzmeti basqarmasynyń bastyǵy Serik Shýmaev.
Aýa raıynyń nasharlaýyna baılanysty almatylyq tártip saqshylary jol qozǵalysyna qatysýshylardy qaýipsizdik sharalaryn kúsheıtýge shaqyrady. Sondaı-aq polısıada joldyń qatelikti keshirmeıtinin eske saldy. Jol qozǵalysy erejelerin saqtaý – sizdiń jáne jaqyndaryńyzdyń ómiriniń qaýipsizdiginiń kepili!