Olar shamamen 15-20 anyqtama satqan.
Almaty áýejaıynyń eki qyzmetkeri teris PTR synaqtaryn jasaǵany úshin ustaldy, dep habarlaıdy Almaty-akshamy.kz.
İshki ister mınıstrliginiń resmı saıtyndaǵy derek boıynsha, Almaty qalasynyń halyqaralyq áýejaıynyń aýmaǵynda júrgizilgen jedel izdestirý is-sharalary barysynda Ekstremızmge qarsy kúres basqarmasy, Almaty qalasy PD krımınaldyq polısıa basqarmasynyń qyzmetkerleri Almaty qalasy boıynsha UQKD birge, 1992 jyly týǵan J.esimdi azamatty jáne 1993 jylǵy I.esimdi azamatty ustady.
Mamandardyń aıtýynsha, qamaýǵa alynǵandar shetelge shyqqandar úshin teris PTR-synaqtaryn jasaǵan, barlyǵy shamamen 15-20 anyqtama satqan. Olar PTR synaqtaryn uıaly telefondaǵy arnaıy qosymsha arqyly ózderi jasaǵan. Qyzmetkerler klıenttiń jeke derekteri men anyqtamanyń berilgen kúnin túzetken, keıinnen zańsyz áreketke barǵan áýe kompanıalardyń ókilderi jolaýshylardy ushaqqa otyrǵyzýǵa jiberedi. Alynǵan qarajat ózderi men áýe kompanıalarynyń ókilderi arasynda bólingen.
«Qazirgi ýaqytta jedel tergeý is-sharalarynyń kesheni júrgizilýde, qamaýǵa alynǵandardyń osyǵan uqsas teris PTR synaqtaryn jasaǵan faktilerge qatystylyǵy anyqtalýda. Tıisti saraptamalar taǵaıyndaldy. «Satýshylar», QR Qylmystyq is júrgizý kodeksiniń 128 babyna sáıkes, ýaqytsha ustaý ızolátoryna qamaldy», – dedi vedomstvoda.