Sot-hımıalyq saraptama taǵaıyndaldy.
Almaty polıseıleri ekobekette er adamnan esirtkiniń iri partıasyn tárkiledi, dep habarlaıdy Almaty-akshamy.kz Polisia.kz-ke silteme jasap.
Polısıa qyzmetkerleri Almaty qalasynyń 58 jastaǵy turǵynyn ustady, odan 6 keli jasyl tústi untaqty zat tárkilendi.
«Inspektorlar ekologıalyq bekette VAZ-2109 kóligin toqtatty. Jeke tintý barysynda 58 jastaǵy A.esimdi azamattyń qaltasynan psıhotroptyq zat salynǵan býma tabylyp, tárkilendi. Kólikten jasyl tústi untaqty zaty bar úsh baılam salynǵan sómke tabyldy. Tárkilengen shóptiń jalpy salmaǵy shamamen 6 kelini quraıdy. Bul derekti Alataý aýdandyq PB-nyń jedel tergeý toby tirkedi. Sot-hımıalyq saraptama taǵaıyndaldy», — dedi Almaty qalalyq PD Patrúldik polısıa polkiniń komandıri Baýyrjan Hantemirov.
Sonymen qatar, medısınalyq tekserý júrgizilip, nátıjesinde ustalǵan azamattyń esirtkige mas bolǵany anyqtaldy. Onyń aıtýynsha, bul zatty ózi qoldanýy úshin alǵan.