Respýblıka kóleminde ótip jatqan “STOP-trafık” jedel aldyn alý is-sharasy barysynda Almaty polıseıleri bes jezóksheler úıin anyqtady. Sondaı-aq jańa týǵan sábıdi satý dereginiń joly kesildi, – dep habarlaıdy almaty-akshamy.kz Polisia.kz. silteme jasap.
Uıymdasqan qylmysqa qarsy kúres basqarmasynyń habarlaýynsha, jezókshelikpen aınalysatyn oryndar, sondaı-aq adam saýdasyna qatysty basqa da zań buzýshylyqtar respýblıkalyq STOP-trafık” jedel aldyn alý is-sharasy barysynda anyqtaldy.
Aıta ketý kerek, Almaty qalasy prokýratýrasynyń úılestirýimen jedel jáne arnaıy is-sharalar júrgizildi.
– Jynystyq eksplýatasıanyń aldyn alý maqsatynda oıyn-saýyq mekemelerinde, monsha keshenderinde, saýnalarda, qonaqúılerde jedel aldyn alý is-sharalary uıymdastyryldy. QR QK-niń 309-baby boıynsha qylmystyq isterdi tirkeýge negiz bolǵan jeńgetaılyq pen jezókshelikpen aınalysýdyń 5 deregi anyqtaldy. Sonymen qatar arnaıy is-shara barysynda jańa týǵan náresteni satý áreketiniń joly kesildi. Qylmystyq is QR QK-niń 135-baby 2-bóligi boıynsha tergelip jatyr. Sondaı-aq emdik massaj jasaıtyn orynnyń keıpin jamylyp, ıntımdik qyzmet kórsetýmen aınalysqan eki massaj salonynyń zańsyz áreketi anyqtaldy, – dep málimdedi Almaty qalalyq PD uıymdasqan qylmysqa qarsy kúres basqarmasynyń bastyǵy Janat Nurǵalıev.