15 aqpanda burynǵy Keńes Odaǵy elderi Aýǵanstannan áskerleriniń shyǵarylǵan kúndi atap ótedi
Bul – qaza tapqan jaýynger-ınternasıonalısterdi aza tutý jáne eske alý kúni. Almatylyq polıseıler aýǵan soǵysyna qatysqandarǵa bardy, dep habarlaıdy Almaty-akshamy.kz Polisia.kz-ke silteme jasap.
«Jeke quramdy patrıottyqqa tárbıeleý maqsatynda, keńes áskerleriniń Aýǵanstannan shyǵarylǵan kúnin merekeleý qarsańynda Almaty PD bólimsheleriniń qyzmetkerleri dástúr boıynsha aýǵan soǵysyna qatysqandarǵa kirip shyǵady. Bul kúnderi qyzmetkerlerimiz aýǵan soǵysyna qatysqan İİO-nyń 25-ten astam ardagerin aralap, quttyqtady. Biz olardyń denderi saý jáne aman ekendikterin kórgenimizge óte qýanyshtymyz. Olar jas qyzmetkerlerge sol shaıqastardyń egjeı-tegjeıin aıtyp berýge árqashan daıyn. Bul jas polısıa qyzmetkerleriniń rýhy men otansúıgishtigin arttyrary sózsiz. Biz óz kezegimizde ardagerlerimizdi qoldaımyz jáne umytpaımyz», – dedi Almaty qalalyq polısıa departamenti bastyǵynyń orynbasary Oljas Myrzabekov.
Ashyq aqparat kózderine súıensek, aýǵan soǵysyna 22 296 qazaqstandyq qatysqan. Onyń ishinde qaıtys bolǵan 928 adamnyń 119-y - almatylyqtar. Sonymen qatar, 19-y áli kúnge deıin iz-túzsiz joǵalyp ketkenderdiń qatarynda. Úsh jyl buryn eki qazaqstandyqtyń súıegi tabylyp, olar Qazaqstanǵa qaıtaryldy. Almatyda 2 300-ge jýyq "aýǵandyq" jaýynger turady, bir almatylyq "aýǵandyq" jaýyngeri iz-túzsiz joǵalǵandar tiziminde. Qazaqstanda barlyǵy 15 myńnan astam ınternasıonalıs-jaýynger turady. Soǵys 1979 jyldyń 25 jeltoqsanynan 1989 jyldyń 15 aqpanyna deıin (2238 kún) sozyldy.