Jańa týǵan náresteni polısıa qyzmetkerleri 25 tamyzǵa qaraǵan túni Almatynyń Túrksib aýdanynda qutqaryp qaldy
Qutqarylǵan sábıdi kórýge aýrýhanaǵa polısıa qyzmetkerleri Nurjan Shatýnov pen Ǵazız Hamasqalıev baryp qaıtty, dep habarlaıdy Almaty-akshamy.kz.
Dárigerler onyń jaǵdaıyn birqalypty aýyr dep otyr.
«Biz áriptesterimizben birge sábıdi “Batyr” dep atap kettik, onyń ómiri úshin úzdik dárigerlerdiń kúresip jatqandyǵyn bilemiz. Olarǵa kóp raqmet. Balaqaı qazir jansaqtaý bóliminde jatyr, oǵan qajetti zattardy alyp keldik. Sábıge zor densaýlyq, uzaq ǵumyr tileımiz», – dedi Túrksib aýdandyq Polısıa basqarmasynyń kámeletke tolmaǵandar isteri jónindegi ýchaskelik ınspektory Nurjan Shatýnov.
Eske salaıyq, jańa týǵan náresteni polısıa qyzmetkerleri 25 tamyzǵa qaraǵan túni Almatynyń Túrksib aýdanynda qutqaryp qaldy. 17 jastaǵy kelinshek túsik boldy dep shaǵymdanyp, sábıinen qutylǵan.
Alaıda tártip saqshylary sábıdi dárethana shuńqyrynan taýyp alyp, aman alyp qaldy.