Almaty polısıa departamenti jábirlenýshiniń “basshysy” atynan jıi áreket etetin alaıaqtardyń hat-habarlamalary bar fotokollaj daıyndady.
Dıalogta jalǵan bastyq qaramaǵyndaǵy qyzmetkerine quqyq qorǵaý organdary júrgizip jatqan tekserý jumystary týraly aıtyp, talap qoıady, dep habarlaıdy Almaty-akshamy.kz Polisia.kz-ke silteme jasap.
"Almaty polısıasy, qazirgi ýaqytta, kúdiktiler Whatsapp jáne Telegram messendjerlerinde akkaýnt ashyp, avatarlaryna memlekettik mekeme nemese jeke uıym basshysynyń sýretin qoıyp, kenetten “QR UQK-nen tekseris” kelip jatyr dep, qol astyndaǵy qyzmetkerlerge aqshany jedel túrde ártúrli úshinshi tulǵalardyń shottaryna jiberý qajettigi týraly jazatyn alaıaqtyq áreketteri jıilep ketkenin eskertedi. Ókinishke qaraı, bul tizbekti paıdalanyp aldaıtyn jaǵdaılar jıi kezdesedi. Sondyqtan azamattardyń alaıaqtardyń arandatýshylyqtaryna boı aldyrmaı, mundaı habarlamalar kelgen kezde oqıǵa týraly birinshi kezekte óziniń tikeleı basshysyna habarlaýy óte mańyzdy, - dedi Almaty qalalyq polısıa departamenti bastyǵynyń orynbasary Qýatbek Naýatov.