Almaty onkologıalyq ortalyǵynyń dırektory Nursultan İzbaǵambetov óńir turǵyndaryna onkologıalyq kómek jáne mekemeniń ótken jylǵy jumysy týraly aıtyp berdi.
Óńirlik komýnıkasıalar qyzmetiniń alańynda qandaı qaterli aýrýlar kósh bastap turǵany jáne naýqastardy emdeý týraly talqylandy, dep habarlaıdy Almaty-akshamy.kz.
2023 jyldyń qorytyndysy boıynsha Almaty qalasynda 5491 pasıent anyqtalyp, esepke qoıyldy.
Qaterli isik dertine shaldyqqandar qurylymy ótken jylmen salystyrǵanda ózgerissiz qaldy:
- birinshi orynda - sút bezi obyry 14,5% (794 jaǵdaı);
- ekinshisinde - kolorektaldy qaterli isik 8,9% (489 jaǵdaı),
- úshinshisinde - ókpeniń qaterli isigi 6,0% (332 jaǵdaı),
- tórtinshiden - qýyqasty beziniń qaterli isigi 5,2% (288 jaǵdaı).
Onkologıalyq ortalyq týraly esepte 31866 onkologıalyq pasıent tur (2022j. – 29439), ósim 8,2% -. qurady.
«Syrqattanýshylyqtyń ósýin taldaý onkologıalyq naýqastardyń elektrondyq tirkelimine (ONET) esepke qoıylǵan jalpy sanynyń ishinen is júzinde árbir 6 pasıent Almaty onkologıalyq ortalyǵyna joǵary sapaly medısınalyq kómek alý úshin Almatyǵa basqa óńirlerden qaıta tirkeý arqyly kelgenin kórsetti»,-dep túsindirdi Nursultan İzbaǵambetov.
2023 jyldyń qorytyndysy boıynsha esepke alynǵan 5491 pasıenttiń 16,2% - y (890 pasıent) Almaty qalasyna basqa óńirlerden kelip tirkeldi. Basqa aımaqtardan tirkelgen 890 pasıenttiń 125-inde (14,0%) aýrý asqynǵan kezeńde anyqtalǵan.
Naýqastardyń kóbi Almaty (364) jáne Jambyl (103) oblystarynan kelgen.
Statısıkany keltire otyryp, onkologıalyq ortalyqtyń dırektory qaterli isikterden bolatyn ólim - jitim úsh jylda-12,4% tómendegenin atap ótti.
Medısına qyzmetkerleriniń jumysynyń basty maqsattarynyń biri - halyqtyń nysanaly toptaryna skrınıngtik tekserýler júrgize otyryp, qaterli isikti erte satysynda jyldam anyqtaý.
Sút bezi obyryn erte anyqtaýǵa skrınıngtiń 1 kezeńin júrgizý úshin Almaty qalasynda 37 mammograf jumys isteıdi.
«Qaterli isikti erte anyqtaý maqsatynda respýblıkada jatyr moıny obyry, sút bezi obyry jáne toq ishek obyry boıynsha skrınıngtik baǵdarlamalar jumys isteıdi. 2023 jyldyń qorytyndysy boıynsha skrınıng kezinde qaterli isiktiń 298 jaǵdaıy anyqtaldy. Barlyq pasıentter mamandandyrylǵan emdeýmen qamtylǵan», - dep jalǵastyrdy Nursultan İzbaǵambetov.
Ótken jyly Almatynyń onkologıalyq ortalyǵynda 22576 naýqas emdeldi. Hırýrgıalyq bólimshelerde 2681 hırýrgıalyq ota jasaldy. Bul rette operasıalardyń 55% - y az ınvazıvti ádistermen júrgiziledi.
Búgingi tańda onkologıalyq ortalyqtyń arsenalynda hımıoterapıanyń 50-ge jýyq túri, 40-tan astam maqsatty jáne gormonaldy preparattar qoldanylady, sonyń arqasynda 18790 pasıent hımıoterapıalyq em aldy.
Onkologıalyq naýqastardy emdeý úshin Almaty onkologıalyq ortalyǵynda sáýlelik terapıa belsendi qoldanylady. Esepti kezeńde radıologıalyq bólimshede 1064 onkologıalyq naýqasqa 18853 seans ótkizildi.
Ambýlatorıalyq hımıoterapıa kabınetiniń jaǵdaıynda 2023 jyly 10498 pasıent em aldy.
Ótken jyly qaterli isikke shaldyǵý qaýpi bar jáne onkologıalyq naýqastarǵa (KT jáne MRT, últradybystyq, endoskopıalyq, sıtologıalyq, ımýndyq-gıstohımıalyq jáne klınıkalyq-dıagnostıkalyq zertteýler) 640 myńnan astam dıagnostıkalyq zertteýler júrgizildi.