Nóser jańbyr saldary
Almaty oblysynyń Kegen aýdanynda respýblıkalyq jol jıegin sý shaıyp ketti, dep habarlaıdy Almaty-akshamy.kz QazAqparatqa silteme jasap.
«Almaty oblysynyń Kegen aýdanynda respýblıkalyq mańyzy bar Kókpek - Kegen - Túp - Jalańash - Saty - Kólsaı kóli jolynyń 10-11 shaqyrym aralyǵyndaǵy jıekti 23 maýsym kúngi nóser jańbyr shaıyp ketti. Atalǵan ýchaskede jol qaýipsizdigin qamtamasyz etý maqsatynda tótenshe jaǵdaılardyń aldyn alý mekemesi, aýdan ákimshiligi, polısıa qyzmetkerleri, DEÝ-91 mekemesiniń ókilderi tarapynan kezekshilik uıymdastyrylyp, jol qozǵalysy qalpyna keltirildi. Jol qaýipsizdigin qamtamasyz etý maqsatynda tabıǵat saldarynan oryn alǵan jaǵdaıdy qalpyna keltirý jýmystary júrgizilýde»,- delingen Kegen aýdany ákiminiń baspasóz qyzmetiniń habarlamasynda.