Almaty oblysynda 17 jastaǵy jigitti atyp ketken kúdiktiler ustaldy, dep habarlaıdy Almaty-akshamy.kz ishki ister mınıstrliginiń Telegram-arnasyna silteme jasap.
5 tamyzda Eńbekshiqazaq aýdanyndaǵy Báıdibek Bı aýylynda túnde oqýshylar arasynda tóbeles boldy. Sol kezde myltyqtan oq atyldy. Bir úıdiń aýlasynda 17 jastaǵy jasóspirimniń máıiti tabyldy. Denesinde oq jaraqaty boldy.
«Ol myltyq ustalǵandardyń biriniń ákesine tıesili. Qazirgi ýaqytta 9 kúdikti ýaqytsha qamaý ızolátoryna toǵytyldy», - deıdi polıseıler.
Qylmystyq kodekstiń 99-baby 9-tarmaǵynyń 2-bóligi (Adam óltirý) boıynsha sotqa deıingi tergeý sharalary bastaldy. Sot-medısınalyq saraptamalar taǵaıyndaldy.
Budan bólek, Qylmystyq kodekstiń 293 – baby (Buzaqylyq) boıynsha jaýapqa tartylǵandar bar. Aıta keteri, adam óltirý baby bıoynsha on bes jyldan jıyrma jylǵa deıingi merzimge bas bostandyǵynan aıyrý ne ómir boıyna bas bostandyǵynan aıyrý jazasy qarastyrylǵan.