Sý tasqyny kezeńine daıyndyq aıasynda «Qazsýshar» mekemesiniń D.Qonaev atyndaǵy Úlken Almaty kanaly fılıaly Bartoǵaı sý qoımasynan 30%, Kúrti sý qoımasynan 20% sý jiberdi.
Osylaısha, eki qoıma kóktemde sý tasqynyn qaýipsiz ótkizý úshin shamamen 420 mln tekshe metr sý qabyldaı alady, dep habarlaıdy aqshamnews.kz Sý resýrstary jáne ırrıgasıa mınıstrligine silteme jasap.
Jınalǵan tasqyn sý sýarý kezeńinde sharýalardyń qajettilikterine paıdalanylady.
Esterińizge sala keteıik, bıyl fılıal 50 myń gektardan astam egis alqabyn 544 mln tekshe metrden astam sýmen úzdiksiz qamtamasyz etti.
«Sý tasqyny kezeńinde daıyndyq jalǵasýda, búginde sý qoımalary jumysynyń kestesi ázirlendi. Eki sý qoımasy tehnıkalyq jaı – kúıi boıynsha kóp faktorly tekseristen ótip, tasqyn sýyn qabyldaýǵa daıyn»,- dedi «Qazsýshar» fılıalynyń dırektory Baqyt Ábishev.