Tórt jyl buryn osy jeke polıgon aýmaǵyn jergilikti bılik «Jan-Arý» kompanıasyna qoqysty qaıta óńdeý zaýytyn salý úshin uzaq merzimge jalǵa bergen.
Ekologıalyq keńes mamandary qorshaǵan ortanyń lastanýyna qatysty dabyl qaǵyp, Almaty oblysy Talǵar aýdanyndaǵy jeke qoqys polıgonyn jabýdy talap etti, dep habarlaıdy Almaty-akshamy.kz
Alaıda polıgon ıesi buǵan kelispeıtinin jáne ekologtardy qyzyǵýshylyqtary úshin aıyptaýda.
Tórt jyl buryn osy jeke polıgon aýmaǵyn jergilikti bılik «Jan-Arý» kompanıasyna qoqysty qaıta óńdeý zaýytyn salý úshin uzaq merzimge jalǵa bergen bolatyn. Biraq kásiporyn ıesi onyń ornyna munda aqyly polıgon uıymdastyrdy, qazirgi ýaqytta stıhıalyq polıgonǵa aınaldy.
«Ekologıalyq keńeske jergilikti turǵyndardan shaǵym kelip tústi. Osy shaǵymǵa sáıkes biz obektige shyqtyq. Topyraq pen sý synamalary alyndy. Taldaý nátıjeleri myrysh, mys, nıtrat, azot oksıdi, azot dıoksıdi boıynsha joǵary nátıjeni kórsetti. Bul nysanda hımıalyq lastaný júrip jatyr deýge tolyq negiz bar», – dedi Talǵar aýdany boıynsha ekologıalyq keńestiń tóraǵasy Mıras Baıseıitov.
Taldaý júrgizilgennen keıin aýdan turǵyndary jerdi jalǵa berý merzimi aıaqtalǵannan keıin ýyttylyǵy joǵary bolǵandyqtan paıdalanýǵa jaramsyz bolyp qalady dep qaýiptenedi.
«Ekologıalyq kúıreý jasaǵan adam tolyǵymen qalpyna keltirýi kerek. Osy jerdiń jer jamylǵysyn sáıkestendirýi tıis», - dep atap ótti Talǵar aýdandyq máslıhat depýtaty Erjan Igibaev.
Ekologıalyq keńes sotqa júgindi. Sot sheshimimen «Jan-Arý» kompanıasyna turmystyq qaldyqtardy jınaýdy úsh aıǵa toqtata turý uıǵaryldy. Alaıda turǵyndardyń aıtýynsha, polıgonda qoqysty qabyldaý áli jalǵasýda.
«Biz munda las aýamen tunshyǵyp jatyrmyz. Al biz munda turyp jatyrmyz. Sondyqtan bizdiń ómirimizge kedergi keltiretin osy polıgondardy, osy karerdy jabýǵa kómektesseńizder dep ótinish aıtamyz», - dedi «Solnechnaıa» baý-baqsha qoǵamynyń tóraǵasy Janna Kım.
Kompanıa ókilderi zaýyt ornyna nege polıgon paıda bolǵanyn túsindirdi. Aıtýynsha, qoqys óńdeıtin kásiporynnyń qurylysyna birneshe gektar jer bólýge ýáde berilgen. Biraq olar tek 30 sotyq jerdi berdi.
«Bılik bizdiń ýchaskemizdi keńeıtýdi tipti josparlamaıdy. Al mundaı alańda zaýyt salýǵa bolmaıdy. Komýnıkasıalar men elektr energıasy joq. Aýyldyń ekinshi jaǵynda ornalasqan qoqysty suryptaýǵa arnalǵan jabdyqty jalǵa alýymyz kerek. Jaryqsyz munda jumys isteı almaımyz. Bizge turaqty túrde qysym kórsetkenniń ornyna, bul máseleni birlesip sheshýge bolar edi», - dep túsindirdi kompanıa zańgeri Asylbek Qaraev.
Polıgonda qaldyqtardyń janýy - únemi bolatyn qubylys. Tek ótken jyly 6 órt boldy, olardy joıýǵa aýdannyń barlyq órtke qarsy qyzmetteri jumyldyryldy. Kompanıa munyń bári básekelesterdiń aıla-amaldary dep sanaıdy, biraq oǵan eshqandaı dálel joq.