Almaty oblysyndaǵy Voroshılov sý qoımasy bógetiniń bir bóligin keshe sý oryp ketti.
Qoımadan qashqan sý Qaraoı aýylynyń irgesindegi kólderdi sýǵa toltyrdy. Onda túnimen oblystyq tótenshe jaǵdaılar departamentiniń jeke quramy jumys istedi, dep habarlaıdy Almaty-akshamy.kz 24.kz-ke silteme jasap.
Oblystaǵy áskerı bólim qyzmetkerleri men aýyl turǵyndary da kómekke keldi. Olar tańǵa deıin bógetti nyǵaıtý jumystaryn júrgizdi. Óıtkeni Qaraoı aýylynyń irgesindegi kól sýǵa lyq toldy. Degenmen, tótenshelikter aýyldardy sý basý deregi tirkelmegenin jáne sýdyń tranzıttik rejımde aǵyp jatqanyn aıtty. «Qaraoı aýlyndaǵy kól sýy Qaskeleń ózeni arqyly Qapshaǵaı kóline quıylyp jatyr. Endi bir, bir jarym saǵat shydap berse, qaýip seıiledi», - deıdi mamandar.
«Qazirgi tańda bógetterdiń barlyǵyn ınertti materıaldarmen bekitip, qosymsha ózen kólderdegi sýlardy aınalmaly aryq arqyly aǵyzý jumystary júrgizilýde. Qazirgi kezde eldi mekenderge qaýip tónip tur dep aıta almaımyn. Sebebi sýdyń deńgeıi mólsherinen túsken joq qazirgi ýaqytta. Aınalmaldyrma aryq júıesimen aǵyp jatqan sýymyzdyń mólsheri tómen túsken kezde naqty jaýabyn aıta alamyn», - deıdi oblystyq TJD tótenshe jaǵdaılardy joıý basqarmasynyń bastyǵy Ersin Jaǵyparov.
«Sý basyp qala ma degen qater bar edi. Minekı, TJM, voennyılar kelip, kómektesip jatyr. Qudaıǵa shúkir, kishkene apattan qashqan sıaqtymyz. Jeńildenip qaldyq. Endi sýdiń deńgeıi 1-2 saǵatta túsip qalar dep otyrmyz. Halyq bolyp aýyzbirshylykpen bárimiz osynda júrmiz», - deıdi Qaraoı aýylynyń turǵyny Aısyn Aıtmuratov.