Almaty oblysy Qyzylsharyq aýylynyń mańynan júzdegen qan quıatyn tútikshe tabyldy.
Týra Úlken Almaty kanalynyń janynda shashylyp jatqan shyny ydystar qoldanylǵan. Keıbiri qanǵa toly. Jergilikti turǵyndar ınfeksıalyq aýrý taralyp kete me dep úıreılenip otyr. Qazir polısıa aınalany lastaǵandardy izdestirýde, dep habarlaıdy Almaty-akshamy.kz.
Veterınarlar bul tútiksheler maldan brýselezge synama alý úshin paıdalanatynyn aıtady. Ári ol barlyq dárihanada satylady. Sondyqtan kez-kelgen adam alyp paıdalanýy múmkin dep otyr.
"Barlyǵy ol jerden bizder 610 dana qan alý júıesin jınap aldyq. Barlyq probırkalar órteý tásilimen joıyldy. Bizdiń veterınarlyq qyzmetke keletin bolsaq, bizder mundaı probırkamen sońǵy ýaqytta kóktemgi ýaqytynda ǵana paıdalandyq, 17-si sáýirden bastap biz basqa probırkany paıdalanyp jatyrmyz. Ol probırkanyń qaıdan shyqqany belgisiz", - deıdi Eńbekshiqazaq aýdanynyń veterınarıalyq stansıa basshysy Erkin Bıhanov.